ఎమ్మెల్యే ముత్తిరెడ్డిని కలిసిన సర్పంచ్‌ల ఫోరం

జనగామ రూరల్‌, నవంబర్‌17: సర్పంచ్‌ల ఫోరం జిల్లా అధ్యక్షుడిగా ఎన్నికైన రఘునాథపల్లి సర్పంచ్‌ పోకల శివకుమార్‌ మంగళవారం జనగామ ఎమ్మెల్యే ముత్తిరెడ్డి యాదగిరిరెడ్డిని క్యాంపు కార్యాలయంలో మర్యాదపూర్వకంగా కలిసి పుష్ఫగుచ్ఛం అందజేశారు. ఈ సందర్భంగా ఎమ్మెల్యే ముత్తిరెడ్డి సర్పంచ్‌ల ఫోరానికి శుభాకాంక్షలు తెలిపారు. ఆయన మాట్లాడుతూ రాష్ట్ర ప్రభుత్వం అమలు చేస్తున్న అభివృద్ధి, సంక్షేమ కార్యక్రమాలు  ప్రతి ఒక్కరికీ తెలిసేలా సర్పంచ్‌లు కృషి చేయాలని కోరారు. ఈ కార్యక్రమంలో ఫోరం జిల్లా ఉపాధ్యక్షుడు గంగం సతీశ్‌రెడ్డి, వీరమనేని యాకాంతారావు, ప్రధాన కార్యాదర్శి పసునూరి మధుసూదన్‌, కార్యనిర్వాహక కార్యదర్శి బొల్లం శారస్వామి, కోశాధికారి దూసరి గణపతి, అధికార ప్రతినిధి తాటికొండ సురేశ్‌, కార్యవర్గ సభ్యులు కమలాకర్‌రెడ్డి, రాజ్‌కుమార్‌ పాల్గ్గొన్నారు.