పల్లెప్రగతి పనులు వేగవంతం చేయాలి

జనగామ రూరల్‌, నవం బర్‌ 13 : మండలంలోని ఆయా గ్రామాల్లో జరుగుతున్న పల్లెప్రగతి పనులు వేగవంతం చేయాలని ఎంపీవో ఉప్పుగల్లు సంపత్‌ కుమార్‌ అన్నారు. శుక్రవారం మండలంలోని సిద్దెంకి, వడ్లకొండ, చౌడా రం, చీటకోడూరు, ఎర్రకుంటతండా, ఓబుల్‌ కేశ్వాపూర్‌, పెద్దరాంచర్ల, ఎల్లంల గ్రామాల్లో జరుగుతున్న అభివృద్ధి పనులను ఆయన పరిశీలించారు. నర్సరీల్లో మొక్కలు పెంచడానికి బ్యాక్‌ ఫిల్లింగ్‌ పనులు వేగవంతంగా చేయాలని, పల్లె ప్రకృతి వనాల్లో ప్రతి రోజూ మొక్కలకు నీళ్లు పట్టాలన్నారు. ఈ కార్యక్రమంలో సర్పంచ్‌లు సుంకరి నిర్మల, బొల్లం శారద, ముక్క రాజయ్య, కొత్త దీపక్‌ రెడ్డి, మంజుల, రేణుక, సుజాత, ఎంపీటీసీలు కొమ్ము సుజాత, బండ లక్ష్మి, మహేశ్వరి, ఏపీవో భిక్షపతి, పంచాయతీ కార్యదర్శులు ప్రపుల్‌ రెడ్డి, రాజు, సామ్రాజ్యం, శ్రీకాంత్‌, శివశంకర్‌ పాల్గొన్నారు.