కిలోమీటరున్నర బీటీతో తగ్గనున్న దూరభారం

• రెండు మండలాలకు రవాణా సౌకర్యం
  
• ఆర్‌సీ పురం-కోడూరు రోడ్డును 
• బీటీగా మార్చాలని స్థానికుల విజ్ఞప్తి 

దేవరుప్పుల, అక్టోబర్‌ 16 : రెండు మండలాలను కలిపే దగ్గరిదారిది. కేవలం కిలోమీటరున్నర దూరమే ఉంది ఈ రహదారి. ఈ రోడ్డు ను బీటీ మారుస్తే దేవరుప్పుల, రఘునాథపల్లి మండలాలను కలిపే దగ్గరిదారవుతుందని ఈ ప్రాంత ప్రజలు అభిప్రాయపడుతున్నారు. దేవరుప్పుల మండలం రామచంద్రాపురం గ్రామం నుంచి రఘునాథపల్లి మం డలం కోడూరు మధ్య దూరం కిలోమీటరున్నర మాత్రమే. ఈ రహదారి ఇటు పాలకుర్తి, అటు స్టేషన్‌ఘన్‌పూర్‌ నియోజకవర్గాల పరిధిలోకి వస్తుంది. దశాబ్దాలుగా ఈ రోడ్డు అభివృద్ధిపై అధికారులు నిర్తక్ష్యం వహించడంతో స్థానికులు ఇబ్బందులకు గురవుతున్నారు. ప్రస్తుతం మట్టి రోడ్డు కావడంతో వర్షాలు కురిసినప్పుడు బురదమయమై వాహనచోదకులు వెళ్లలేని పరిస్థితి నెలకొంటున్నది. ఇంతటి ప్రాధాన్యమున్న రోడ్డును బీటీగా మార్చితే రవాణా సౌకర్యం మెరుగవుతుందని ఈ ప్రాంత ప్రజలు కోరుతున్నారు.

రహదారిని బీటీగా మార్చాలి..

  గ్రామంలోని సగమంది రైతులకు సంబంధించిన భూముల ఈ దారిలోనే ఉన్నాయి. మట్టి రావడంతో వర్షాకాలంలో బురదవుతోంది. ఈ రోడ్డుపై నడవలేకపోతున్నాం. రామచంద్రాపురంతో పాటు కోలుకొండ, ఇతర తండాల గ్రామపంచాయతీల ప్రజలు వివిధ అవసరాలకు సమీపంలోని రఘునాథపల్లికి వెళ్తారు. ఎరువులు, విత్తనాల బస్తాలు ఈ దారిలోనే తేవాలి. వర్షాకాలంలో ఈ దారి నుంచి రాలేకపోతున్నాం. అందువల్ల రోడ్డును బీటీగా మార్చాలి. 

- తోకల మల్లయ్య, రైతు, రామచంద్రాపురం