నా వయసు 19 ఏండ్లు. ప్రతి చిన్న విషయానికి అమ్మపైనే ఆధారపడుతుంటాను. చదువుకునేటప్పుడు కూడా నా పక్కనే ఉండమని అడుగుతుంటా. ఎప్పుడైనా అమ్మ పనిమీద వేరే ఊరికి వెళ్లినప్పుడు, ఏదో పోగొట్టుకున్నట్టు ఫీలవుతుంటా! ఇలా చేస్తున్నందుకు చాలాసార్లు ఇబ్బందిగా అనిపిస్తుంటుంది. నా అంతట నేనుగా పనులు చేసుకోలేకపోతున్నాను. దయచేసి ఈ విషయంలో సాయం చేయగలరు!
ఓ సోదరి పుట్టుకనుంచే పిల్లలు తమ తల్లిదండ్రులపై ఆధారపడటం సహజం. ప్రతిపనిలో వాళ్ల సాయం తీసుకోవడమూ సాధారణమే. అయితే, యుక్త వయసు రాగానే సొంతంగా నిర్ణయాలు తీసుకోవడం మొదలుపెడతారు. కానీ, ముఖ్యమైన విషయాల్లో పిల్లలు అమ్మానాన్నలపై ఎంతోకొంత ఆధారపడతారు. కాకపోతే మీ విషయంలో పరిస్థితి కొద్దిగా వేరుగా ఉంది. దీన్ని సోషల్ సైకాలజిస్ట్లు ‘లెర్న్డ్ బిహేవియర్’గా చెప్తారు. తల్లిదండ్రులు తమ పిల్లలకు లైఫ్స్కిల్స్పై అవగాహన కల్పించకపోవడమే ఇందుకు ముఖ్యకారణం. మీరు ఈ పరిస్థితిని అధిగమించాలంటే కొన్ని అంశాలను దృష్టిలో పెట్టుకోవాలి.
నల్లన్ రాధిక ఆచార్య
క్లినికల్ సైకాలజిస్ట్