‘రెడ్డిగారింట్లో రౌడీయిజం’ చిత్రం ద్వారా కథానాయికగా అరంగేట్రం చేస్తోంది వర్షావిశ్వనాథ్. సీనియర్ నటి వాణీవిశ్వనాథ్ సోదరి కుమార్తె ఈమె. రమణ్ హీరోగా నటిస్తున్న ఈ చిత్రానికి ఎం.రమేష్, గోపి దర్శకులు. సోమవారం వర్షా విశ్వనాథ్ తన పుట్టినరోజు జరుపుకుంది. ఈ సందర్భంగా సినిమా గురించి ఆమె మాట్లాడుతూ ‘పక్కింటి అమ్మాయి తరహా పాత్రలో కనిపిస్తాను. అందం, అమాయకత్వం, అభినయం కలబోతగా నా పాత్ర సాగుతుంది. తొలి అడుగులోనే తెలుగులో గుర్తింపును తీసుకొస్తుందనే నమ్మక ముంది’ అని చెప్పింది.