శుక్రవారం 05 మార్చి 2021
Jangaon - Aug 26, 2020 , 02:16:38

కరోనా నివారణకు ప్రత్యేక చర్యలు

కరోనా నివారణకు ప్రత్యేక చర్యలు

కలెక్టరేట్‌, ఆగస్టు 25 : కరోనా నివారణ చర్యల్లో భాగంగా ప్రభుత్వ ఆదేశాలకనుగుణంగా జిల్లాలో ప్రత్యేక చర్యలు తీసుకుంటున్నట్లు జిల్లా కలెక్టర్‌ నిఖిల తెలిపారు. ఇందులో భాగంగా ఈ నెల 26, 27 తేదీల్లో సెరోప్రివలెన్స్‌ సర్వే నిర్వహించనున్నట్లు వెల్లడించారు. మంగళవారం కలెక్టర్‌ జిల్లాలోని ఆయా మండలాల అధికారులతో టెలీకాన్ఫరెన్స్‌ నిర్వహించారు. ఐసీఎమ్‌ఆర్‌ ప్రతినిధి అర్లప్ప, ఢిల్లీ, జిల్లా వైద్యఆరోగ్య అధికారి ఆధ్వర్యంలో ఈ పరీక్షలు నిర్వహిస్తారని నిఖిల పేర్కొన్నారు. జనగామ పట్టణంలోని రెండోవార్డులోని పీహెచ్‌సీ, బచ్చన్నపేట మండలం కొడవటూర్‌, నర్మెట మండలం హన్మంతాపూర్‌, లింగాలఘనపురం మండలం కళ్లెం, దేవరుప్పుల మండలం మాదాపురం, స్టేషన్‌ఘనపూర్‌, రఘునాథ్‌పల్లి, జఫర్‌ఘడ్‌ మండల కేంద్రాలతోపాటు పాలకుర్తి మండలం మంచుప్పుల, రఘునాథపల్లి మండలం కంచనపల్లి, కొడకండ్ల మండలం లక్ష్మక్కపల్లిలో కరోనా టెస్ట్‌లు నిర్వహిస్తామని కలెక్టర్‌ నిఖిల తెలిపారు.

కలెక్టరేట్‌లో అటోమెటిక్‌ శానిటైజర్‌ ఏర్పాటు

ఆటోమేటిక్‌ సెన్సార్‌ శానిటైజర్‌ మిషన్‌ను కలెక్టరేట్‌లో తెలంగాణ జాగృతి సంస్థ ఏర్పాటు చేసింది. దీనిని మంగళవారం కలెక్టర్‌ నిఖిల ప్రారంభించారు. ఈ కార్యక్రమంలో అదనపు కలెక్టర్‌ ఏ.భాస్కర్‌రావు, జనగామ ఆర్డీవో మధుమోహన్‌, జాగృతి జిల్లా అధ్యక్షుడు పసునూరి మురళి, విద్యార్థి విభాగం అధ్యక్షుడు కొత్తకొండ గంగాధర్‌ తదితరులు పాల్గొన్నారు.


VIDEOS

తాజావార్తలు


logo