ఆదివారం 28 ఫిబ్రవరి 2021
Jangaon - Aug 15, 2020 , 06:33:42

భర్త మరణం తట్టుకోలేక..భార్య హఠాన్మరణం

భర్త మరణం తట్టుకోలేక..భార్య హఠాన్మరణం

మరియపురంలో విషాదం

తరిగొప్పుల, ఆగస్టు 14 : భర్త మరణం తట్టుకోలేక భార్య హఠాన్మరణం చెందిన విషాదఘటన మండలంలోని మరియపురంలో శుక్రవారం జరిగింది. స్థానికుల కథనం ప్రకారం.. మండలంలోని మరియపురం గ్రామానికి చెందిన పొలిశెట్టి రాయప్ప (64), విజయ(59) దంపతులు. వీరు గ్రామంలో వ్యవసాయం చేస్తూ జీవిస్తున్నారు. గురువారం రాత్రి రాయప్ప గుండెపోటుతో మృతి చెందాడు. దీంతో ఇంటి ఆవరణలో అతని పార్థివదేహం ఉంచి భార్య విజయ, కుటుంబ సభ్యులు, బంధువులు విలపిస్తున్నారు. ఈ నేపథ్యంలో శుక్రవారం ఉదయం మృతదేహం వద్ద రోదిస్తూనే విజయ హఠాన్మరణం చెందింది. అందరూ చూస్తుండగానే విజయ విగతజీవిగా మారడంతో కుటుంబ సభ్యులు బోరున విలపించారు. అనంతరం అంత్యక్రియలు నిర్వహించారు. మృతులకు ఇద్దరు కుమారులు, కూతురు. భర్త మృతి తట్టుకోలేక సతీమణి మరణించడంతో అయ్యో .. అందరితో కలివిడిగా ఉండే రాయప్ప, విజయ మమ్మల్ని విడిచిపెట్టి పోయారా..’ అంటూ బంధువులు కన్నీటి పర్యంతమయ్యారు. దంపతుల మృతితో మరియపురంలో విషాదం నిండింది.  

VIDEOS

logo