జనగామ కలెక్టర్‌ నిఖిల

కలెక్టరేట్‌ : మంత్రి కేటీఆర్‌ పిలుపు మేరకు ఆదివారం ఉదయం 10 గంటల 10 నిమిషాలకు క్యాంపు కార్యాలయం లో జనగామ కలెక్టర్‌ నిఖిల నీటి తొట్టిని శుభ్రం చేశారు. ఈ సందర్భంగా ఆమె మాట్లాడుతూ.. వర్షాకాలంలో సీజనల్‌ వ్యాధులు రాకుండా ఇంటి పరిసరాలను శుభ్రంగా ఉంచుకోవాలన్నారు. కరోనా నివారణకు భౌతిక దూరం పాటించాల ని, శానిటైజర్‌తో చేతులు శుభ్రం చేసుకోవాలని సూచించారు. 

చైర్‌పర్సన్‌, కౌన్సిలర్లు సైతం..

జనగామ : మున్సిపల్‌ చైర్‌పర్సన్‌ పోకల జమున, వైస్‌ చైర్మన్‌ మేకల రాంప్రసాద్‌, పలువురు కౌన్సిలర్లు తమ ఇంటి పరిసరాలను శుభ్రం చేశారు. ఇంటి ఆవరణలోని కొబ్బరి బోండాలను తొలగించి మురుగు గుంతల్లో దోమల నివారణ మందు పిచికారీ చేశారు. 2వ వార్డులో అనిత, 3వ వార్డులో డాక్టర్‌ సుధ, 14 వార్డులో కౌన్సిలర్‌ పేర్ని స్వరూప పరిసరాలను శుభ్రం చేశారు.