బాలల హక్కుల రక్షణ అందరి బాధ్యత

జగిత్యాల రూరల్‌: బాలల హక్కుల రక్షణ అందరి బాధ్యత అని జగిత్యాల  రూరల్‌ ఎంపీడీవో రాజేశ్వరి పేర్కొన్నారు. మండల కేంద్రంలోని మండల పరిషత్‌ కార్యాలయంలో బుధవారం యూనిసెఫ్‌, సెంటర్‌ ఫర్‌ గుడ్‌ గవర్నెన్స్‌ సంయుక్తంగా నిర్వహించిన కెపాసిటీ బిల్డింగ్‌ ప్రోగ్రాం ఆన్‌ చైల్డ్‌ ఫ్రెండ్లీ లోకల్‌ గవర్నెన్స్‌ ఎమర్జెన్సీ ప్రిపేర్డ్‌నెస్‌లో భాగంగా పిల్లల హక్కులు, అభివృద్ధి, పోషకాహార ప్రాధాన్యత తదితర అంశాలపై రెండు రోజుల శిక్షణ ఇచ్చారు. ఈ సందర్భంగా ట్రైనన్లు మోహన్‌రావు, మహేందర్‌ పోషణ విధానం, ఆరోగ్య స్థితి, చదువు తదితర అంశాలపై చర్చించారు. పిల్లల సమస్యలు, శారీరక అభివృద్ధి, మానసిక అభివృద్ధి, భావోద్వేగ వికాసం వంటి వాటిపై ప్రజాప్రతినిధులు, అధికారులు, అంగన్‌వాడీ టీచర్లు చొరవ చూపి పరిరక్షించాలని సూచించారు. కార్యక్రమంలో కార్యాలయ సూపరింటెండెంట్‌ గంగాధర్‌, ఎంపీవో శ్రీనివాస్‌, యూనిసెఫ్‌ ప్రతినిధులు రవికుమార్‌, దేవీప్రసాద్‌, పంచాయతీ కార్యదర్శులు, అంగన్‌వాడీ కార్యకర్తలు, ఆశ వర్కర్లు పాల్గొన్నారు.