గురువారం 03 డిసెంబర్ 2020
International - Nov 12, 2020 , 16:41:06

ఆ గంటసేపు యూట్యూబ్ పనిచేయక పోవడానికి కారణమేంటి?

ఆ గంటసేపు యూట్యూబ్ పనిచేయక పోవడానికి కారణమేంటి?

ఓ గంటసేపు యూట్యూబ్ ఆగిపోతే ప్రపంచమే ఆగిపోయినంత పనైంది. ఎందుకు పనిచేయడం లేదు.. కారణమేంటి అంటూ చాలా మంది ఫిర్యాదుల మీద ఫిర్యాదులు చేశారు. గురువారం ఉదయం ప్రపంచవ్యాప్తంగా సుమారు గంటకు పైగా యూట్యూబ్ పనిచేయలేదు. ఏ వీడియె ఓపెన్ చేసినా..  ప్లే కాకుండా ఎర్రర్ కనిపించింది. దీంతో చాలా మంది యూట్యూబ్ యూజర్స్ ఈ విషయమై యాజమాన్యానికి కంప్లైంట్ చేశారు. దీంతో యూట్యూబ్ యాజమాన్యం తమ ట్విట్టర్ ద్వారా సమాధానం తెలిపింది.

'గురువారం సుమారు ఉదయం 5.53నిమిషాల నుంచి పనిచేయడం ఆగిపోయింది. అది గమనించిన మా సిబ్బంది సమస్యను పరిష్కరించే ప్రయత్నాల్లోనే ఉంది' అని యూట్యూబ్ తన ట్విట్టర్ ద్వారా తెలిపింది. 'ఇది కేవలం ఒక్కరిద్దరికి మాత్రమే వస్తున్న సమస్య కాదు.. టెక్నికల్ సమస్య కారణంగా.. ప్రపంచవ్యాప్తంగా చాలా మందికి వీడియోలు ప్లే అవడం లేదు, మేము దీన్ని త్వరలోనే పరిష్కరిస్తామంటూ' సమాధానమిచ్చింది. 

తిరిగి గురువారం ఉదయం 7.15 నిమిషాల నుంచి యూట్యూబ్ యాథావిథిగా పనిచేయడం మొదలుపెట్టింది. ఎలాంటి ఇబ్బంది లేకుండా  వీడియోలు ప్లే అవుతున్నాయి. 

అయితే యూట్యూబ్ తో పాటు గూగుల్ ప్లే స్టోర్ కూడా కాసేపు పనిచేయకుండా పోయిందట. అండ్రాయిడ్ యాప్స్ కొన్ని డౌన్ లోడ్ అయినప్పటికీ.. అవి పూర్తిగా  ఇన్స్‌టాల్ అవలేదు. మరోవైపు గూగుల్ టీవీ కూడా కాసేపు సతాయించి.. కొద్దిసేపటి తర్వాత తిరిగి పుంజుకుని పనిచేయడం మొదలుపెట్టిందట.