ఓటీటీలో విడుదలవుతున్న కంటెంట్స్ ప్రేక్షకులకు మంచి వినోదాన్ని పంచుతున్న విషయం తెలిసిందే. ఫ్యామిలీ మ్యాన్ వెబ్ సిరీస్ దేశ వ్యాప్తంగా భాషతో సంబంధం లేకుండా అందరిని అలరించింది. ఉగ్రవాదం నేపథ్యంలో తెరకెక్కిన ఈ సిరీస్ అందరినీ ఆకట్టుకుంది. ఇక మొదటి సిరీస్కు కొనసాగింపుగా వచ్చిన ఫ్యామిలీ మ్యాన్-2 కూడా మంచి రెస్పాన్స్ సంపాదించుకుంది. కరెక్టుగా లాక్డౌన్ సమయంలో విడుదలైన ఈ సిరీస్ మరోసారి దేశం దృష్టిని ఆకర్షించింది.
సెకండ్ సీజన్లో మనోజ్ బాజ్పాయ్తో పాటు సమంత కూడానటించడంతో దీనికి మంచి క్రేజ్ దక్కింది. అయితే ఫ్యామిలీ మ్యాన్ 3పై కూడా చర్చలు నడుస్తున్న నేపథ్యంలో విజయ్ సేతుపతి కీలక పాత్రలో నటించనున్నారని వినికిడి. ‘ద ఫ్యామిలీ మ్యాన్-2’లో శ్రీలంకలోని తమిళ నాయకుడి పాత్రలో విజయ్ని సంప్రదించారట. కాని ఆయన సున్నితంగా తిరస్కరించారని సమాచారం. ఇప్పుడు మూడో సీజన్లో మరో పాత్రలో నటించమని కోరగా, సూత్రప్రాయంగా అంగీకరించినట్టు ముంబై వర్గాల భోగట్టా.