బుధవారం 25 నవంబర్ 2020
International - Nov 07, 2020 , 10:03:40

స్ప‌ష్ట‌మైన మెజారిటీతో గెల‌వ‌బోతున్నాం: బైడెన్‌

స్ప‌ష్ట‌మైన మెజారిటీతో గెల‌వ‌బోతున్నాం:  బైడెన్‌

హైద‌రాబాద్‌:  అమెరికా అధ్య‌క్ష ఎన్నిక‌ల ఫ‌లితాల‌పై తీవ్ర ఉత్కంఠ నెల‌కొన్న విష‌యం తెలిసిందే. ఈ నేప‌థ్యంలో కాసేప‌టి క్రితం డెమోక్ర‌టిక్ అభ్య‌ర్థి జో బైడెన్ ప్ర‌జ‌ల‌ను ఉద్దేశించి మాట్లాడారు.  ఎన్నిక‌ల రేసులో తాము గెల‌వ‌బోతున్న‌ట్లు ప్ర‌క‌టించారు. స్ప‌ష్ట‌మైన మెజారిటీతో గెలుస్తున్నామ‌ని, దేశం త‌మ వెంటే ఉంద‌ని ఆయ‌న అన్నారు.  త‌మ పార్టీకి సుమారు 7.5 కోట్ల ఓట్లు పోల‌య్యాయ‌ని, అమెరికా అధ్య‌క్ష ఎన్నిక‌ల చ‌రిత్ర‌లో ఏ అభ్య‌ర్థికి కూడా ఇన్ని ఓట్లు పోల‌వ్వ‌లేద‌ని బైడెన్ అన్నారు.  300 ఎల‌క్టోర‌ల్ కాలేజీ ఓట్లు ల‌క్ష్యంగా గెల‌వ‌బోతున్న‌ట్లు ఆయ‌న చెప్పారు.  సంప్ర‌దాయ‌బ‌ద్ధంగా రిప‌బ్లిక‌న్ల‌కు చెందిన ఆరిజోనా, జార్జియా రాష్ట్రాల‌ను కూడా త‌మ ఖాతాలో వేసుకోనున్న‌ట్లు బైడెన్ తెలిపారు. 

దేశంలో విజృంభిస్తున్న‌ కోవిడ్ కేసుల గురించి కూడా బైడెన్ కామెంట్ చేశారు.  దేశాధ్య‌క్ష బాధ్య‌త‌లు చేప‌ట్టిన రోజే వైర‌స్ నియంత్ర‌ణ కోసం క‌ఠిన‌మైన నిర్ణ‌యం తీసుకోనున్న‌ట్లు ఆయ‌న వెల్ల‌డించారు.  వ‌రుస‌గా మూడ‌వ రోజు అమెరికాలో ల‌క్ష క‌రోనా పాజిటివ్ కేసులు న‌మోదు అయ్యాయి.  క‌రోనా వైర‌స్‌, ఆర్థిక స‌మ‌స్య‌ల వ‌ల్ల దేశంలో ఉద్రిక్త‌త‌లు ఎక్కువ‌య్యాయ‌ని, దేశ ప్ర‌జ‌ల త‌మ ఆవేశాన్ని ప‌క్క‌న పెట్టాల‌ని కోరారు.  మ‌న‌కు సీరియ‌స్ స‌మ‌స్య‌లు ఉన్నాయ‌ని, అన‌వ‌స‌ర విష‌యాల గురించి స‌మ‌యం వృధా చేయ‌వ‌ద్దు అని ఆయ‌న అన్నారు.  మ‌నం ప్ర‌త్య‌ర్థుల‌మే కానీ, శ‌త్రువులం కాదు అని ఆయ‌న అన్నారు. ప్ర‌జ‌లు ఐక్య‌త‌తో ఉండాల‌ని, అమెరికా ప్ర‌జ‌లంద‌రి ప‌క్షాన తాను ప‌రిపాలిస్తాన‌న్నారు.  

ఇంకా కౌంటింగ్ కొన‌సాగుతున్న సంద‌ర్భంగా ప్ర‌జ‌లంతా స‌మ‌య‌మ‌నంతో ఉండాల‌న్నారు.  కౌంటింగ్ ప్ర‌క్రియ పూర్తికావాల‌న్నారు.  మీరు ఓట్ల‌ను లెక్కిస్తార‌ని,  మిమ్మ‌ల్ని ఎవ‌రు అడ్డుకోలేర‌ని, అలాంటివి జ‌ర‌గ‌నివ్వ‌న‌ని అన్నారు. ప్ర‌జాస్వామ్య వ్య‌వ‌స్థ‌పై న‌మ్మ‌కం ఉంచాల‌ని, 244 ఏళ్ల నుంచి ఆ విష‌యాన్ని నిరూపించామ‌న్నారు.  మీ ఓట్లు అన్నీ లెక్క‌పెడుతార‌న్నారు. విల్మింగ్ట‌న్‌లోని చేజ్ సెంట‌ర్ నుంచి బైడెన్ ప్ర‌జ‌ల‌ను ఉద్దేశించి మాట్లాడారు. మ‌రోవైపు పెన్సిల్వేనియాలో బైడెన్ భారీ ఆధిక్యం దిశ‌గా వెళ్తున్నారు. బైడెన్ 253, ట్రంప్ 213  ఎల‌క్టోర‌ల్ ఓట్లు గెలుచుకున్న విష‌యం తెలిసిందే. ఇంకా కొన్ని రాష్ట్రాల్లో కౌంటింగ్ కొన‌సాగుతున్న‌ది.