e-Paper

Advertisement

E-Paper

Apps

Book Your Copy

Visit Telangana Today

Thursday, September 23, 2021
Home News ఆత్మీయుల అస్థిక‌లతో వ‌జ్రాలు.. అమెరికా కంపెనీ వినూత్న ఆలోచ‌న‌

ఆత్మీయుల అస్థిక‌లతో వ‌జ్రాలు.. అమెరికా కంపెనీ వినూత్న ఆలోచ‌న‌

ఆస్టిన్: క‌రోనా మ‌హ్మ‌మారి అనేక మంది జీవితాల్లో చీక‌టి నింపింది. అంతుచిక్క‌ని ఆ వైర‌స్ బారిన‌ప‌డి ప్ర‌పంచ‌వ్యాప్తంగా కోట్లాది మంది ప్రాణాలు కోల్పోయారు. త‌మ‌కు ఇష్ట‌మైన‌వారిని క‌డ‌చూపు చూసుకోలేక‌పోయారు. అమితంగా ప్రేమించే వ్య‌క్తిని కోల్పోవ‌డం ఎవ‌రికైనా తీర‌ని వ్య‌ధను మిగులుస్తుంది. అమెరికాలోని ఆస్టిన్‌కు చెందిన ఓ స్టార్ట‌ప్ కంపెనీ ఓ వినూత్న ఐడియాను ర‌చించింది. చ‌నిపోయిన వారి చితాభ‌స్మంతో ధ‌గ‌ధ‌గ‌లాడే వ‌జ్రాల‌ను ఆ కంపెనీ త‌యారు చేస్తున్న‌ది. ఎటెర్న‌వా అనే స్టార్ట‌ప్ కంపెనీ అస్థిక‌ల‌తో డైమండ్స్ రూపొందిస్తున్న‌ది. అమెరికాతో పాటు ఇత‌ర‌ దేశాల్లోనూ ఈ కంపెనీకి మంచి గుర్తింపు వ‌చ్చింది.

క‌రోనా వేళ త‌మ ఆత్మీయుల మ‌ర‌ణిస్తే, చాలా మంది వారి అస్థిక‌ల‌ను కూడా సేక‌రించుకోలేక‌పోయారు. అలాంటి వారికి ఎటెర్న‌వా లాంటి కంపెనీలు వ‌జ్రాల రింగుల‌తో మ‌ధుర జ్ఞ‌ప‌కాల‌ను అందిస్తున్నాయి. నాలుగేళ్ల ఈ స్టార్ట‌ప్ కంపెనీ .. చ‌నిపోయిన‌వారి భ‌స్మాన్ని లేదా వెంట్రుక‌లు నుంచి భిన్న ప‌ద్ధ‌తిలో డైమండ్స్ రూపొందిస్తున్న‌ది. డైమండ్‌కు ఎక్కువ కాలం మెరిసే ల‌క్ష‌ణాలు ఉన్న నేప‌థ్యంలో.. వాటిని రూపొందించిడంపైనే ఆ కంపెనీ దృష్టి పెట్టింది. గ‌త కొన్నేళ్ల‌లో వెయ్యి మంది క‌స్ట‌మ‌ర్ల‌కు 1500 డైమండ్ల‌ను త‌యారు చేసి ఇచ్చింది. ఇప్పుడు ఆ కంపెనీ 10 మిలియ‌న్ల డాల‌ర్ల సంస్థ‌గా ఎదిగింది.

- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana