సోమవారం 06 జూలై 2020
International - Jun 26, 2020 , 15:12:55

అమెరికాలో 2 కోట్ల మందికి కరోనా?

 అమెరికాలో 2 కోట్ల మందికి కరోనా?

వాషింగ్టన్‌: అగ్రరాజ్యం అమెరికాలో కరోనా మహమ్మారి ఉద్ధృతి కొనసాగుతోంది. వైరస్‌ పూర్తిగా కట్టడి కాకముందే లాక్‌డౌన్‌ ఎత్తివేయడంతో వైరస్‌ మళ్లీ విజృంభిస్తున్నది. దేశంలోకి వైరస్‌ ప్రవేశించినప్పటి నుంచి ఇప్పటి వరకూ 2 కోట్ల మంది అమెరికన్లకు వైరస్‌ సోకి ఉంటుందని ఆ దేశ వైద్యాధికారులు అంచనా వేశారు.  ఇప్పటి వరకూ నమోదైన 23లక్షల కేసులకన్నా ఇది పది రెట్లు ఎక్కువగా ఉంటుందని పేర్కొన్నారు. 

లక్షలాది మంది  తెలియకుండానే వైరస్‌ బారినపడుతున్నారని, టెస్టింగ్‌లో ఎదురవుతున్న ఇబ్బందుల వల్ల చాలా కేసులు లెక్కలోకి రావట్లేదని చెప్పారు.  20 మిలియన్ల మందికి కరోనా సోకిందంటే అమెరికా జనాభా(331మిలియన్లు)లో 6శాతం మంది వైరస్‌ బారినపడ్డట్లేనని వివరించారు. 

దేశంలో చాలా మంది ఇప్పటికీ వైరస్‌ బారిన పడుతున్నారని స్పష్టమైందని సెంటర్స్‌ ఫర్‌ డిసీజ్‌ కంట్రోల్‌, ప్రీవెన్షన్‌ డైరెక్టర్‌  డాక్టర్‌ రాబర్ట్‌ రెడ్‌ఫీల్డ్‌ తెలిపారు. కొత్తగా నిర్ధారణ అయిన  ప్రతీ కరోనా కేసుకు అదనంగా మరో 10 మందికి పైగా వైరస్‌ సోకిఉంటుందని  అంటువ్యాధులు నిపుణుడు డాక్టర్‌ ఆంటోనీ పేర్కొన్నారు. కరోనా సోకినవారిలో 25శాతం మందికి వైరస్‌ లక్షణాలే లేవని ఆయన చెప్పారు.  


logo