బుధవారం 20 జనవరి 2021
International - Dec 03, 2020 , 17:46:03

ట‌ర్కీలో క‌రోనా టీకా పంపిణీకి ప్లాన్ ఖ‌రారు

ట‌ర్కీలో క‌రోనా టీకా పంపిణీకి ప్లాన్ ఖ‌రారు

హైద‌రాబాద్‌:  ట‌ర్కీ దేశం వ్యాక్సినేష‌న్ ప్ర‌ణాళిక‌ను ప్ర‌క‌టించింది.  దేశ ప్ర‌జ‌ల‌కు ఈనెల 11వ తేదీ త‌ర్వాత కోవిడ్ టీకాను ఇవ్వ‌నున్న‌ట్లు ఆ దేశ ఆరోగ్య‌శాఖ మంత్రి ఫ‌రెట్టిన్ కోకా తెలిపారు.  తొలుత హెల్త్ వ‌ర్క‌ర్ల‌కు ఆ టీకా ఇవ్వ‌నున్న‌ట్లు ఆయ‌న చెప్పారు. చైనా కంపెనీ త‌యారు చేస్తున్న క‌రోనావాక్ టీకాను ట‌ర్కీ కొనుగోలు చేసింది.  సుమారు కోటి డోసులు టీకాల‌ను డిసెంబ‌ర్‌లోనే ఇవ్వ‌నున్నామ‌ని, ఆ త‌ర్వాత జ‌న‌వ‌రి, ఫిబ్ర‌వ‌రి నెల‌ల్లో మ‌రో కోటి డోసులు పంపిణీ చేయ‌నున్న‌ట్లు మంత్రి తెలిపారు. చైనా వ‌ద్ద 5 కోట్ల డోసులు కొనేందుకు ట‌ర్కీ ప్ర‌భుత్వం ఒప్పందం కుదుర్చుకున్న‌ది. అయితే ప్ర‌జ‌ల‌కు ఉచితంగానే వ్యాక్సిన్ ఇవ్వ‌నున్నారు.  అయితే ఇత‌ర దేశాల‌కు చెందిన టీకాల‌ను ఫార్మ‌సీల్లో అమ్మేందుకు ప్ర‌ణాళిక సిద్ధం చేశారు. జర్మ‌నీ వ‌ద్ద 2.5 కోట్ల కోవిడ్ టీకా డోసులు ఖ‌రీదు చేసేందుకు ప్లాన్ వేశామ‌ని ట‌ర్కీ మంత్రి తెలిపారు. చైనాకు చెందిన సైనోవాక్‌, అమెరికాకు చెందిన ఫైజ‌ర్ కంపెనీలు త‌మ వ్యాక్సిన్ ట్ర‌య‌ల్స్‌ను ట‌ర్కీలో నిర్వ‌హిస్తున్నాయి.  సైనోవాక్ టీకా మూడ‌వ ద‌శ ట్ర‌య‌ల్స్‌ను సెప్టెంబ‌ర్‌లోనే ప్రారంభంచారు. ఇప్ప‌టికే వేలాది మంది వాలంటీర్లు ఆ టీకా తీసుకున్నారు.  ఫైజ‌ర్ కూడా ట‌ర్కీలో ట్ర‌య‌ల్స్ చేసింది.  వాలంటీర్ల‌లో 98 శాతం యాంటీబాడీలు అభివృద్ధి చెందిన‌ట్లు శాస్త్ర‌వేత్త‌లు గుర్తించారు.  



logo