అమెరికా అంతటా అల్లర్లకు కుట్ర!

• ఎఫ్‌బీఐ హెచ్చరికలు జారీ
  
• వాషింగ్టన్‌లో ఎమర్జెన్సీ విధింపు
• నేడు ట్రంప్‌ అభిశంసనపై ఓటింగ్‌

వాషింగ్టన్‌: వాషింగ్టన్‌ డీసీతోపాటు అమెరికాలోని మొత్తం 50 రాష్ర్టాల రాజధానుల్లో క్యాపిటల్‌ భవనాల వద్ద సాయుధ నిరసనలకు కుట్ర జరుగుతున్నట్టు నిఘా సమాచారం అంది ందని ఆ దేశ దర్యాప్తు సంస్థ ఎఫ్‌బీఐ హెచ్చరించింది. ఈ నెల 20న  బైడెన్‌ ప్రమాణస్వీకార కార్యక్రమం నేపథ్యంలో ఎలాంటి అవాంఛనీయ సంఘటనలు జరుగకుండా చూసేందుకు ఫెడరల్‌ ఏజెన్సీల సిఫార్సు మేరకు అధ్యక్షుడు ట్రంప్‌ రాజధాని నగరం వాషింగ్టన్‌లో ఎమర్జెన్సీ విధించారు. ఈ నెల 24 వరకు ఇది అమల్లో ఉంటుంది.

తొలగించాలంటే 2/3 సభ్యుల ఆమోదం అవసరం..

ట్రంప్‌పై అభిశంసన తీర్మానంపై బుధవారం ఓటింగ్‌ జరుగనున్నది. ప్రతినిధుల సభలో డెమోక్రాట్లకు మెజార్టీ ఉన్నది. అయితే సెనేట్‌లో మాత్రం డెమోక్రాట్లకు, రిపబ్లికన్లకు చెరి సగం సీట్లున్నాయి. అధ్యక్షుడిని తొలగించాలంటే మూడింట రెండొంతుల మంది సభ్యుల ఆమోదం అవసరం.