వ‌య‌సు 80 ఏళ్లు.. గ్యారేజ్‌లో 80 పోర్షె కార్లు

వియెనా: వ‌య‌సు కేవలం ఒక నంబ‌ర్ మాత్ర‌మే అని అంటుంటారు. ఆస్ట్రియాకు చెందిన ఈ పెద్ద మ‌నిషిని చూస్తే అది నిజ‌మే అనిపిస్తుంది. ఆయ‌న వ‌య‌సు 80 ఏళ్లు. సాధార‌ణంగా ఈ వ‌య‌సులో ఎవ‌రైనా ఏం చేస్తుంటారు? హాయిగా కాలు మీద కాలు వేసుకొని త‌మ జీవితంలోని మ‌ధుర జ్ఞాపకాల‌ను నెమ‌రేసుకుంటూ శేష జీవితాన్ని గ‌డిపేస్తారు. కానీ ఒటోకార్ జే అనే 80 ఏళ్ల ఈ వృద్ధుడు మాత్రం అలా కాదు. ఈ వ‌య‌సులోనూ త‌న‌కెంతో ఇష్ట‌మైన పోర్షె కార్ల‌లో ర‌య్‌మంటూ తిరుగుతున్నాడు. ఆయ‌నకు ఈ ఖ‌రీదైన పోర్షె కార్లంటే ఎంత ఇష్ట‌మో తెలుసా? ఇప్ప‌టి వ‌ర‌కూ త‌న 80 ఏళ్ల జీవితంలో ఏకంగా 80 పోర్షె కార్లు కొన్నాడు. ఈ మ‌ధ్యే త‌న 80వ పుట్టిన రోజును ఓ పోర్షె బాక్స్‌ట‌ర్ స్పైడ‌ర్ కారు కొనుగోలు చేసి జ‌రుపుకోవ‌డం విశేషం.

50 ఏళ్ల కింద‌ట తొలిసారి

త‌న‌కు ఈ పోర్షె కార్ల‌పై మోజు 50 ఏళ్లుగా ఉంద‌ని ఒటోకార్ జే చెబుతున్నాడు. అప్ప‌ట్లో ఒక‌రోజు ఓ పోర్షె కారు త‌న ప‌క్క‌గా దూసుకెళ్ల‌డం చూసి మ‌న‌సు పారేసుకున్న ఆయ‌న‌.. ఆ కారును ఎలాగైనా కొనాల‌ని నిర్ణ‌యించుకొని డ‌బ్బు జ‌మ‌చేయ‌డం ప్రారంభించాడు. కొన్నేళ్ల త‌ర్వాత 911 ఈ పోర్షె కారును కొన్నాడు. అదే అత‌ను కొన్న తొలి పోర్షె కారు. ఆ కారు తెగ నచ్చేయ‌డంతో ఆ త‌ర్వాత ఈ 50 ఏళ్ల‌లో మ‌రో 79 పోర్షె కార్లు కొనడం విశేషం. అందులో 917, 910, 904, 956లాంటి టాప్ మోడ‌ల్స్ అన్నీ ఉన్నాయి. ప్ర‌స్తుతం ఆయ‌న ద‌గ్గ‌ర 38 పోర్షె కార్లు ఉన్నాయి. నెల‌లో ప్ర‌తి రోజూ ఓ కారు వేసుకొని రోడ్డుపైకి వెళ్తాన‌ని, వీకెండ్స్‌లో అయితే రెండు కార్లు తీసుకెళ్తాన‌ని ఒటోకార్ గ‌ర్వంగా చెబుతున్నాడు.

కార్ల కోస‌మే ఓ బిల్డింగ్‌

మ‌రి ఇన్ని కార్ల‌ను పార్క్ చేయ‌డానికి ఓ స్థ‌లం ఉండాలి క‌దా. అందుకే వీటి కోసమే ప్ర‌త్యేకంగా ఓ బిల్డింగే క‌ట్టాడు ఒటోకార్‌. దీనిని త‌న లివింగ్ రూమ్ అంటాడ‌త‌డు. త‌న అన్ని పోర్షె కార్ల క‌లెక్ష‌న్‌ను ఇక్క‌డ చూడొచ్చు. ఇందులోనే ఓ బొమ్మ‌ల దుకాణం, సినిమా స్క్రీన్ కూడా ఉండ‌టం విశేషం. కార్లు కొన‌డ‌మే కాదు.. అన్ని కార్ల‌నూ వాడ‌ట‌మూ ఒటోకార్‌కే చెల్లింది. వీటిలో త‌న‌కు 981 బాక్స్‌ట‌ర్ స్పైడ‌ర్ మోడ‌ల్ కార్ అంటే చాలా ఇష్ట‌మ‌ని ఆయ‌న చెబుతున్నాడు.