ఆదివారం 20 సెప్టెంబర్ 2020
International - Jul 22, 2020 , 02:50:27

తాలిబన్లను మట్టుబెట్టిన బాలిక!

తాలిబన్లను మట్టుబెట్టిన బాలిక!

  • తల్లిదండ్రుల హత్యకు ప్రతీకారం
  • అఫ్ఘనిస్థాన్‌లో ఘటన

ఘాజ్నీ, జూలై 21: కళ్లెదుటే తన తల్లిదండ్రులను దారుణంగా హత్య చేసిన ఇద్దరు తాలిబన్‌ ముష్కరులను ఆఫ్ఘనిస్థాన్‌కు చెందిన 14 ఏండ్ల బాలిక కాల్చి చంపింది. ఘోర్‌ రాష్ట్రంలోని ఓ గ్రామంలో గత వారం ఈ ఘటన చోటుచేసుకున్నది. బాలిక తండ్రి ఆ గ్రామపెద్ద. ఆయన ప్రభుత్వానికి మద్దతుదారు. దీంతో తాలిబన్లు ఆయన ఇంట్లోకి చొరబడి ఆయనను బయటకు లాక్కొచ్చారు. ఆయన భార్య అడ్డుపడడంతో ఇద్దరినీ ఇంటి బయట కాల్చిచంపారు. ఈ దారుణాన్ని కళ్లారా చూసిన ఆ బాలిక.. ఇంట్లో ఉన్న ఏకే 47 తుపాకీతో ఆ ఇద్దరు తాలిబన్లను కాల్చిచంపింది. వారికి సహకరించిన మరికొందరిని కూడా గాయపరిచింది. ఘటన అనంతరం మరికొందరు తాలిబన్లు ఆమెపై దాడి చేసేందుకు రాగా, ప్రభుత్వ మిలీషియా సభ్యులు, పలువురు గ్రామస్థులు వారిని మట్టుబెట్టారు. బాలికను, ఆమె సోదరుడిని అధికారులు సురక్షిత ప్రాంతానికి తరలించారు. ఆ బాలిక ప్రదర్శించిన ధైర్యసాహసాలపై నెటిజన్లు ప్రశంసల వర్షం కురిపిస్తున్నారు. 


logo