శుక్రవారం 15 జనవరి 2021
International - Dec 24, 2020 , 21:31:51

డీల్‌ కుదిరిందోచ్‌! బ్రెక్సిట్‌ ఒప్పందం ఖరారైందన్న బోరిస్‌ జాన్సన్‌

డీల్‌ కుదిరిందోచ్‌! బ్రెక్సిట్‌ ఒప్పందం ఖరారైందన్న బోరిస్‌ జాన్సన్‌

లండన్: యూరోపియన్ యూనియన్‌తో బ్రిటన్‌ గురువారం బ్రెక్సిట్ వాణిజ్య ఒప్పందాన్ని కుదుర్చుకున్నది. యూరోపియన్‌ యూనియన్‌ నుంచి నిష్క్రమించేందుకు సరిగ్గా వారం రోజుల ముందు ఈ ఒప్పందం కుదురడం పట్ల బ్రిటన్‌ ప్రభుత్వం హర్షం వ్యక్తం చేసింది. ఒప్పందం కుదరిన  విషయాన్ని బ్రిటన్ ప్రధాని బోరిస్‌ జాన్సన్ స్వయంగా ట్విట్టర్‌ ద్వారా "ద డీల్‌ ఈజ్ డన్‌" అని కాప్షన్‌ పెట్టి వెల్లడించారు. 

ఈ ఒప్పందం లండన్‌లోని ప్రతి ప్రాంతంలోని కుటుంబాలు, వ్యాపారాలకు అద్భుతమైన వార్త. ఈయూతో ఇప్పటివరకు సాధించిన సున్నా సుంకాలు, సున్నా కోటాల ఆధారంగా మొదటి స్వేచ్ఛా వాణిజ్య ఒప్పందంపై సంతకం చేసామని డౌనింగ్‌ స్ట్రీట్‌ వర్గాలు తెలిపాయి. "మేము మొత్తం యునైటెడ్ కింగ్‌డమ్ కోసం రికార్డు సమయంలో, చాలా సవాలుగా ఉన్న పరిస్థితులలో మా అంతర్గత మార్కెట్ యొక్క సమగ్రతను, ఉత్తర ఐర్లాండ్ స్థానాన్ని పరిరక్షించాం" అని కూడా పేర్కొన్నాయి. ఈ ఒప్పందం బ్రిటన్ ఇకపై ఈయూ యొక్క పూల్‌లో లేదని, ఈయూ నిబంధనలకు కట్టుబడి ఉండదని హామీ ఇస్తుంది. 2019 లో 668 బిలియన్ పౌండ్ల (909 బిలియన్ డాలర్లు) విలువైన వాణిజ్యం ఈ ఒప్పందం ద్వారా కవర్ చేయబడిందని ఆ వర్గాలు తెలిపాయి.

లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.