ఆక్స్‌ఫ‌ర్డ్‌ టీకా అత్యవసర ఆమోదం కోరిన సీరం సంస్థ‌

పుణె : ఫైజర్ తర్వాత భార‌త్‌కు చెందిన సీరం ఇన్‌స్టిట్యూట్ ఆఫ్ ఇండియా (ఎస్ఐఐ) కోవిషీల్డ్ అత్యవసర ఉపయోగం కోసం ప్ర‌భుత్వం అనుమతి కోరింది. కరోనా వ్యాక్సిన్‌ను మార్కెట్లోకి విడుదల చేయడానికి సిద్ధంగా ఉన్న దేశంలోని తొలి స్వదేశీ సంస్థగా సీరం ఇన్‌స్టిట్యూట్ నిలిచింది. దీనికి డ్రగ్స్ కంట్రోలర్ జనరల్ ఆఫ్ ఇండియా (డీసీజీఐ) కు సీరం సంస్థ ఆదివారం దరఖాస్తు చేసిన‌ట్లు స‌మాచారం. 

ఇండియన్ ఇన్‌స్టిట్యూట్ ఆఫ్ మెడికల్ రీసెర్చ్ (ఐసీఎంఆర్), సీరం ఇన్‌స్టిట్యూట్ ఆక్స్‌ఫ‌ర్డ్, ఆస్ట్రాజెనెకా యొక్క కోవీషీల్డ్ 4 కోట్ల మోతాదులను సిద్దం చేసింది. సీరం తన దరఖాస్తులో బ్రిట‌న్‌ (రెండు క్లినికల్ పరీక్షలు), బ్రెజిల్, భారతదేశంలో (ఒక్కొక్కటి ఒక పరీక్ష) వ్యాధులపై పోరాడటానికి మంచి అఫిక్సి (90 శాతం) ఉన్నట్లు పేర్కొన్న‌ది. భద్రతా కోణం నుంచి కోవిషీల్డ్ ప‌రిశీల‌న‌లో ఎటువంటి ప్రతికూల ప్రభావం వెల్లడికాలేదు. అందువల్ల టార్గెట్ చేసిన జనాభాకు వ్యాక్సిన్ ఇవ్వవచ్చని త‌న ద‌ర‌ఖాస్తులో తెలిపింది. సీరం సంస్థ ప్రపంచంలోనే అతిపెద్ద టీకా తయారీదారు. కసౌలీ కేంద్రంగా ఉన్న సెంట్రల్ డ్రగ్స్ లాబొరేటరీ (సీడీఎల్) కు పరీక్షల నిమిత్తం 12 బ్యాచ్ల వ్యాక్సిన్‌ను కంపెనీ అందజేసింది.

డిసెంబర్ 4 న అనుమతి కోరిన ఫైజ‌ర్‌

అమెరికన్ కంపెనీ ఫైజర్ తన టీకా అత్యవసర ఉపయోగం కోసం ఈ నెల 4వ తేదీన భారత ఔషధ నియంత్రిణ సంస్థ‌ అనుమతి కోరింది. ఫైజర్ వ్యాక్సిన్ ప్రవేశపెట్టడానికి బ్రిట‌న్‌, బహ్రెయిన్ దేశాలు ఇప్ప‌టికే ఆమోదం తెలిపాయి. క్లినికల్ ట్రయల్స్ పూర్తి చేస్తేనే దేశంలో ఏదైనా వ్యాక్సిన్ తీసుకువస్తామని భారత్ ఇప్పటికే స్పష్టం చేసింది. కాగా, కరోనా వైరస్‌పై చేస్తున్న యుద్ధంలో చైనా 4, రష్యా 2, బ్రిట‌న్ ఒక‌ వ్యాక్సిన్లకు అత్యవసర అనుమతి ఇచ్చాయి. మరోవైపు, ప్రీ-ఆర్డర్‌లో భారత్ ముందున్న‌ది. అదే సమయంలో, ప్రధాని నరేంద్ర మోదీ గత వారం అహ్మదాబాద్, పుణె, హైదరాబాద్‌లోని వ్యాక్సిన్ త‌యారీ కంపెనీలను సందర్శించి టీకా సన్నాహాల స్టాక్ తీసుకున్నారు.

లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణ ఆండ్రాయిడ్ యాప్ డోన్లోడ్ చేసుకోండి.