భారత రాజకీయ చరిత్రలో ఆయనదో పేజీ..

కోల్‌కతా : భారత రాజకీయాల్లో తనకంటూ ప్రత్యేక పేజీని లిఖించుకున్న మహా రాజనీతిజ్ఞడు జ్యోతి బసు. ఎక్కడ రాజకీయాల గురించి మాట్లాడినా జ్యోతి బసు పేరు ఖచ్చితంగా లేవనెత్తుతారంటే అతిశయోక్తి కాదు. వరుసగా 23 సంవత్సరాలు ముఖ్యమంత్రిగా పనిచేసిన తొలి వ్యక్తిగా నిలిచారాయన. 2010లో సరిగ్గా ఇదే రోజున ఆయన కన్నుమూశారు.

కోల్‌కతాలోని బెంగాలీ కాయాస్తా కుటుంబంలో 1914 జూలై 8 న జన్మించారు. తండ్రి నిషికాంత్ బసు వృత్తిరీత్యా వైద్యుడు. ముగ్గురు తోబుట్టువులలో జ్యోతి చిన్నవాడు. కుటుంబసభ్యులు అతన్ని ఆప్యాయంగా గనా అని పిలిచేవారు. ఢాకా జిల్లాలోని బరుడిలో బాల్యం గడిచింది. కోల్‌కతాలోని హిందూ కళాశాల నుండి పట్టా పొందిన తరువాత, లండన్ విశ్వవిద్యాలయం నుంచి న్యాయవిద్యను అభ్యసించారు. 1937 లో విద్యార్థి దశ నుంచే రాజకీయాల్లో చురుకుగా పాల్గొనడం ప్రారంభించారు. సామ్రాజ్యవాద వ్యతిరేక భారతీయ విద్యార్థి సంఘంలో క్రియాశీల సభ్యుడయ్యారు. 1938 లో లండన్ మజ్లిస్‌లో సభ్యుడిగా చేరారు. 1930 లో సీపీఐ సభ్యుడిగా చేరిన జ్యోతి బసు.. రైల్వే కార్మికుల ఉద్యమంలో చేరిన తరువాత వెలుగులోకి వచ్చారు. 1957 లో పశ్చిమ బెంగాల్ శాసనసభ ప్రతిపక్ష నాయకుడిగా ఎన్నికయ్యారు. అతను 1967 లో లెఫ్ట్ ఫ్రంట్ ప్రభుత్వంలో హోంమంత్రి అయ్యారు. ఈ సమయంలో నక్సల్బరి ఉద్యమం కారణంగా రాష్ట్రపతి పాలనలో విధించాల్సి వచ్చింది. అనంతరం ప్రభుత్వం పడిపోయింది. 1977 లో లెఫ్ట్ ఫ్రంట్‌కు సంపూర్ణ మెజారిటీ రావడంతో.. జ్యోతి బసు ముఖ్యమంత్రి అయ్యారు. అప్పటి నుంచి 2000 వరకు రాష్ట్ర సీఎంగా కొనసాగి కొత్త చరిత్రను లిఖించారు.

ప్రధాని ఆఫర్ వద్దన్నారు..

జ్యోతి బసుకు ఒకసారి కాదు మూడుసార్లు ప్రధాని కావడానికి ఆఫర్లు వచ్చాయి. రెండుసార్లు ప్రధాని కావాలన్న ప్రతిపాదనను తిరస్కరించిన జ్యోతి బసు.. 1996 లో మూడోసారి ప్రధాని కావాలని కోరుకున్నారు. ఆ సమయంలో పార్టీ అనుమతిస్తే ప్రధాని అవుతాను అని చెప్పారు. కానీ, పార్టీ ఆమోదించకపోవడంతో ప్రధాని కావాలన్న ఆయన కల నెరవేరలేదు. ఈ నిర్ణయం తమ పార్టీ చేసిన అతి పెద్ద తప్పు అని జ్యోతిబసు చెప్పిన మాటలను ఇప్పటికీ చాలా మంది సీపీఐ నేతలు గుర్తుచేసుకుంటుంటారు.

జపాన్‌లో భూకంపం.. 6 వేలకు పైగా దుర్మరణం

26 సంవత్సరాల క్రితం ప్రకృతి విపత్తుతో జపాన్ విలవిల్లాడింది. 1995 జనవరి 17న జపాన్‌లోని కొబేలో 7.3 తీవ్రతతో సంభవించిన భూకంపంలో 6 వేలకు పైగా ప్రజలు చనిపోయారు. కొబెకు ఉత్తరాన 20 కిలోమీటర్ల దూరంలో భూకంప కేంద్రం కనిపించింది. భూకంపంలో 40 వేల మందికి పైగా గాయపడ్డారు. 3 లక్షల మంది నిరాశ్రయులయ్యారు. 2.40 లక్షల ఇండ్లు ధ్వంసమయ్యాయి. లక్షలాది మంది విద్యుత్, నీటి కొరతను ఎదుర్కొన్నారు. కొబె, ఒసాకాను కలిపే హన్షిన్ ఎక్స్‌ప్రెస్ వే కూడా ఈ వినాశనంలో ధ్వంసమైంది.