గురువారం 02 ఏప్రిల్ 2020
International - Mar 15, 2020 , 19:09:09

సార్క్‌ దేశాధినేతలతో ప్రధాని మోదీ వీడియోకాన్ఫరెన్స్‌

సార్క్‌ దేశాధినేతలతో ప్రధాని మోదీ వీడియోకాన్ఫరెన్స్‌

న్యూఢిల్లీ: కరోనా వైరస్‌(కోవిడ్‌-19)పై పోరాడేందుకు ఉమ్మడి వ్యూహాన్ని రూపొందించేందుకు సార్క్‌ కూటమి దేశాధినేతలు ఇవాళ సాయంత్రం వీడియో కాన్ఫరెన్స్‌ ద్వారా సమావేశమయ్యారు. భారత్‌ తరఫున ప్రధాని నరేంద్రమోదీ పాల్గొన్నారు. ఈ సందర్భంగా కరోనా నియంత్రణ చర్యలపై సభ్య దేశాలతో చర్చించారు. కరోనాపై ఉమ్మడి పోరాటం చేయాలని సార్క్‌ దేశాలకు మోదీ పిలుపునిచ్చారు.  దక్షిణాసియా ప్రాంతంలో నమోదైన కరోనా కేసుల సంఖ్య 150 కన్నా తక్కువే  అయినప్పటికీ అప్రమత్తంగా ఉండాలన్నారు.   కరోనా వ్యాప్తిపై  ఎవరూ పెద్దగా ఆందోళన చెందాల్సిన అవసరం లేదని..నియంత్రణ చర్యలే ఉపయోగపడతాయని తెలిపారు.  

'గత జనవరి నుంచి విదేశాల నుంచి భారత్‌కు వచ్చేవారిని స్క్రీనింగ్‌ చేయడం ప్రారంభించాం. ఆ తర్వాత క్రమంగా ప్రయాణాలపై ఆంక్షలు విధిస్తూ వచ్చాం. పలు దేశాల్లో ఉంటున్న  సుమారు 1400  మంది భారతీయులను వెనక్కి తీసుకొచ్చాం. కరోనా వైరస్‌ ప్రభావిత దేశాల్లో చిక్కుకున్న సరిహద్దు దేశాల పౌరులను కూడా తీసుకొచ్చాం.  కరోనా వైరస్‌ నియంత్రణకు ముందస్తు జాగ్రత్త చర్యలే ముఖ్యమని' మోదీ పేర్కొన్నారు. 


logo
>>>>>>