బుధవారం 27 జనవరి 2021
International - Dec 23, 2020 , 15:42:20

భారత దౌత్య అధికారికి పాక్‌ సమన్లు

భారత దౌత్య అధికారికి పాక్‌ సమన్లు

ఇస్లామాబాద్‌: భారత్‌కు చెందిన సీనియర్‌ దౌత్య అధికారికి పాకిస్థాన్‌ బుధవారం సమన్లు జారీ చేసింది. సరిహద్దులోని నియంత్రణ రేఖ (ఎల్‌ఓసీ) వెంబడి భారత బలగాలు కాల్పుల విరమణ ఉల్లంఘనలకు పాల్పడుతున్నట్లు దాయాది దేశం ఆరోపించింది. హాట్‌స్ప్రింగ్, జాండ్రోట్ సెక్టార్లలో మంగళవారం భారత్‌ బలగాలు జరిపిన కాల్పుల్లో 50 ఏండ్ల పౌరుడు మరణించారని, 16, 18 ఏండ్ల వయసుగల ఇద్దరు యువకులు, నాలుగేండ్ల చిన్నారికి గాయాలయ్యాయని పాక్‌ విదేశాంగ కార్యాలయం పేర్కొంది. ఇస్లామాబాద్‌లోని భారత రాయబార కార్యాలయం సీనియర్‌ దౌత్యవేత్తను పిలిపించి దీనిపై తన నిరసన వ్యక్తం చేసింది. 2003 నాటి కాల్పుల విరమణ ఒప్పందాన్ని గౌరవించాలని సూచించింది. కాల్పుల విరమణ ఉల్లంఘన సంఘటనలపై దర్యాప్తు చేయాలని, నియంత్రణ రేఖ, సరిహద్దులో శాంతిని కొనసాగించాలని తెలిపింది. 

లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.


logo