COVID-19 Lung Damage : కరోనా వైరస్ ప్రధానంగా శ్వాస వ్యవస్థపై దాడి చేస్తుంది. వైరస్ ముక్కు లేదా నోటి నుంచి గొంతు ద్వారా ఊపిరితిత్తుల్లోకి చేరి, అక్కడున్న వాయు కుహరాలను, కండరాలను ఇబ్బంది పెడుతుంది. దీంతో దగ్గు, దమ్ము, ఊపిరి తీసుకోవడంలో ఇబ్బందులు వస్తాయి. కొందరిలో న్యుమోనియాకు దారితీస్తున్నది. ఆస్తమా, గుండెజబ్బుల వంటి దీర్ఘకాలిక రోగుల్లో సమస్య మరింత తీవ్రం అవుతున్నది. అయితే ఊపిరితిత్తులు ఆరోగ్యంగా ఉంటే వైరస్ ముప్పు కాస్త తగ్గుతుందని నిపుణులు చెప్తున్నారు. శ్వాస వ్యవస్థలోకి వైరస్ ప్రవేశించిన వెంటనే మన రోగ నిరోధకశక్తి దానికి వ్యతిరేకంగా పనిచేయడం ప్రారంభిస్తుందని అంటున్నారు. దీంతో గొంతులో మంట, దురద, దగ్గు వంటి లక్షణాలు కనిపిస్తాయని చెప్పారు. వీటిని ముందుగానే గుర్తించగలిగితే వైరస్ ఊపిరితిత్తులను దెబ్బతీయకముందే కాపాడుకోవచ్చని సూచిస్తున్నారు.
పెద్దవాళ్లు కనీసం 30 నిమిషాలు, యువత, పిల్లలు కనీసం 60 నిమిషాలపాటు వ్యాయామం చేయాలి. దీంతో శ్వాస తీసుకునే రేటు పెరిగి ఊపిరితిత్తులు ఎప్పటికప్పుడు శుభ్రం అవుతాయి. రక్తంలో ఆక్సిజన్ స్థాయిలను క్రమబద్ధీకరిస్తాయి.
రక్తంలో హిమోగ్లోబిన్, ఎర్రరక్తకణాల స్థాయిలను పరీక్షించుకోవాలి. ఇవి ఊపిరితిత్తుల పనితీరును ప్రతిబింబిస్తాయి.
పౌష్టికాహారాన్ని తీసుకోవాలి. ముఖ్యంగా కూరగాయలు, పండ్లు తినాలి. దీంతో శరీరంలోని విషపదార్థాలు నిర్వీర్యం అవుతాయి. అరటిపండ్లు, ఆపిల్, ద్రాక్ష, టమాటాలో యాంటీ ఆక్సిడెంట్లు ఎక్కువగా ఉంటాయి.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
ఒక్క మాస్క్ సరిపోదా? రెండు మాస్కులు కచ్చితంగా వాడాలా?
Oxygen Levels : ఇవి తినండి.. ఆక్సిజన్ లెవల్స్ పెంచుకోండి
బోర్లా పడుకుంటే ఆక్సిజన్ లెవల్స్ పెరుగుతాయా.. ఆ వైరల్ వీడియోలో నిజమెంత?
Corona effect : ఆక్సిజన్ లెవల్స్ ఎలా పెంచుకోవాలి
Children Health : కరోనా టైంలో మీ పిల్లలు మానసికంగా కుంగిపోకుండా ఉండాలంటే.. ఈ జాగ్రత్తలు తప్పనిసరి!