e-Paper

Advertisement

E-Paper

Apps

Book Your Copy

Visit Telangana Today

Saturday, September 25, 2021
Home News షాకింగ్‌ : ప‌లువురు మ‌హిళ‌ల‌పై లైంగిక వేధింపులకు పాల్ప‌డిన న్యూయార్క్ గ‌వ‌ర్నర్‌

షాకింగ్‌ : ప‌లువురు మ‌హిళ‌ల‌పై లైంగిక వేధింపులకు పాల్ప‌డిన న్యూయార్క్ గ‌వ‌ర్నర్‌

వాషింగ్ట‌న్ : న్యూయార్క్ గ‌వ‌ర్న‌ర్ ఆండ్రూ క్యుమో ప‌లువురు మ‌హిళ‌ల‌ను లైంగికంగా వేధించాడ‌ని రాష్ట్ర అటార్నీ జ‌న‌ర‌ల్ లెతితియ జేమ్స్ సంచ‌లన విష‌యాలు వెల్ల‌డించారు. ఆండ్రూ క్యుమో మ‌హిళ‌ల ప‌ట్ల అమ‌ర్యాద‌క‌రంగా వ్య‌వ‌హ‌రించాడ‌ని స్వ‌తంత్ర ద‌ర్యాప్తులో వెల్ల‌డ‌వ‌డంతో ఆయ‌న తక్ష‌ణ‌మే రాజీనామా చేయాల‌ని డిమాండ్లు ఊపందుకున్నాయి. ద‌ర్యాప్తు నివేదిక విడుద‌ల కావ‌డంతో గ‌వ‌ర్న‌ర్ చేష్ట‌లపై స‌ర్వ‌త్రా ఆగ్ర‌హం వ్య‌క్తమ‌వుతోంది.

ఈ నివేదిక‌లో 11 మంది మ‌హిళ‌ల‌పై ఆయ‌నతో పాటు ఆయ‌న సీనియ‌ర్ సిబ్బంది లైంగిక వేధింపుల‌కు పాల్ప‌డిన‌ట్టు స్ప‌ష్ట‌మైంద‌ని జేమ్స్ తెలిపారు. ఐదు నెల‌ల పాటు జ‌రిగిన ఈ విచార‌ణ‌లో గ‌వ‌ర్న‌ర్ ఆండ్రూ క్యుమో జాతీయ‌, రాష్ట్ర చ‌ట్టాల‌ను ఉల్లంఘిస్తూ ప‌లువురు మ‌హిళ‌ల‌ను లైంగికంగా వేధించాడ‌ని తేలింద‌ని ఆమె వెల్ల‌డించారు. క్యుమో ప్ర‌స్తుతం ప‌నిచేస్తున్న మ‌హిళా ఉద్యోగుల‌తో పాటు గ‌తంలో ప‌నిచేసిన న్యూయార్క్ స్టేట్ ఉద్యోగినుల‌ను అభ్యంత‌ర‌క‌రంగా తాక‌డం, ద్వందార్ధ వ్యాఖ్య‌ల‌తో ఇబ్బంది పెట్ట‌డం వంటి చ‌ర్య‌ల‌కు పాల్ప‌డ్డాడ‌ని పేర్కొన్నారు.

- Advertisement -

గ‌వ‌ర్న‌ర్ వేధింపుల‌ను బ‌య‌ట‌పెట్టింద‌నే ఆగ్ర‌హంతో ఆండ్రూ క్య‌మో ఆయ‌న సీనియ‌ర్ సిబ్బంది ఆమెపై ప్ర‌తీకార చ‌ర్య‌ల‌కు పాల్ప‌డ్డార‌ని కూడా ద‌ర్యాప్తులో వెల్ల‌డైంది. లైంగిక వేధింపుల ఆరోప‌ణ‌ల‌కు సంబంధించివ క్యుమోపై త‌క్ష‌ణ‌మే చ‌ర్య‌లు చేప‌ట్టాల‌ని రిప‌బ్లిక‌న్ స‌భ్యురాలు ఎలిస్ స్టెఫానిక్ డిమాండ్ చేశారు. గ‌వ‌ర్న‌ర్ క్యుమో త‌న ప‌ద‌వికి రాజీనామా చేయాల‌ని ఆయ‌న‌ను సత్వ‌ర‌మే అరెస్ట్ చేయాల‌ని ఆమె ట్వీట్ చేశారు.

గ‌వ‌ర్న‌ర్ ప‌ద‌వికి క్యుమో ఎంతమాత్రం అర్హుడు కాద‌ని న్యూయార్క్ అసెంబ్లీ స్పీక‌ర్ కార్ల్ హెస్టీ అన్నారు. మ‌రోవైపు త‌న‌పై వ‌చ్చిన లైంగిక వేధింపుల ఆరోప‌ణ‌లు అవాస్త‌వ‌మ‌ని గ‌వ‌ర్న‌ర్ ఆండ్రూ క్యుమో తోసిపుచ్చారు. తాను ఏ మ‌హిళ‌నూ అభ్యంత‌ర‌క‌రంగా తాక‌లేద‌ని, లైంగిక వేధింపుల‌కు పాల్ప‌డ‌లేద‌ని అన్నారు.

Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana