ఆదివారం 29 నవంబర్ 2020
International - Oct 30, 2020 , 17:00:44

ఫ్రెంచ్ ప్ర‌జ‌ల్ని చంపే హ‌క్కు ముస్లింల‌కు ఉన్న‌ది..

ఫ్రెంచ్ ప్ర‌జ‌ల్ని చంపే హ‌క్కు ముస్లింల‌కు ఉన్న‌ది..

హైద‌రాబాద్‌: ఫ్రాన్స్‌లోని నీస్ న‌గ‌రంలో క‌త్తితో దాడి చేసిన ఓ ఉన్మాది ముగ్గుర్ని హ‌త‌మార్చిన విష‌యం తెలిసిందే. ఆ ఘ‌ట‌న ప‌ట్ల ప్ర‌పంచ దేశాలు సంఘీభావం ప్ర‌క‌టిస్తున్నాయి. కానీ మ‌లేషియా మాజీ ప్ర‌ధాని మ‌హ‌తిర్ మొహ‌మ్మ‌ద్ మాత్రం ముస్లింల‌ను స‌మ‌ర్థించారు.  మిలియ‌న్ల సంఖ్య‌లో ఫ్రెంచ్ ప్ర‌జ‌ల్ని చంపే హ‌క్కు ముస్లింల‌కు ఉన్న‌ట్లు మ‌హ‌తిర్ అన్నారు.  గురువారం ఆయ‌న త‌న బ్లాగులో ఈ కామెంట్ చేశారు.  ఫ్రాన్స్‌లో ఇటీవ‌ల సామ్యుల్ పాటీ అనే టీచ‌ర్‌ను ఓ వ్య‌క్తి దారుణంగా చంపేశాడు. ఆ ఘ‌ట‌న‌ను త‌న బ్లాగులో ప్ర‌స్తావించిన మ‌హ‌తిర్‌.. గ‌తంలో జ‌రిగిన ఘాతుకాల నేప‌థ్యంలో ల‌క్ష‌ల సంఖ్య‌లో ఫ్రెంచ్ ప్ర‌జ‌ల్ని చంపే హ‌క్కు ముస్లింల‌కు ఉన్న‌ట్లు మ‌హ‌తిర్ పేర్కొన్నారు.  కానీ ముస్లింలు అలా చేయ‌లేద‌న్నారు.

ఇత‌రుల‌ను గౌర‌వించే వ్య‌క్తిత్వాన్ని ఫ్రెంచ్ ప్ర‌జ‌లు నేర్చుకోవాల‌ని మలేషియా మాజీ ప్ర‌ధాని త‌న బ్లాగులో తెలిపారు.  ఫ్రాన్స్ అధ్య‌క్షుడు ఎమ్మాన్యుల్ మాక్ర‌న్ వైఖ‌రిని ఖండించిన మ‌హ‌తిర్‌.. ఆయ‌న నాగ‌రికుడిలా వ్య‌వ‌హ‌రించ‌లేద‌న్నారు.  ఓ వ్య‌క్తి త‌ప్పు చేస్తే, మీరు యావ‌త్ ముస్లింల‌ను నిందించార‌ని, అందుకే ఫ్రెంచ్ ప్ర‌జ‌ల‌ను శిక్షించే హ‌క్కు ముస్లింల‌కు ఉంద‌న్నారు.