మా వ్యాక్సిన్ 100 శాతం స‌మ‌ర్థ‌వంతం: మోడెర్నా

వాషింగ్ట‌న్‌: త‌మ క‌రోనా వైర‌స్ వ్యాక్సిన్ 100 శాతం స‌మ‌ర్థ‌వంతంగా ప‌ని చేస్తోంద‌ని ప్ర‌క‌టించింది అమెరికా కంపెనీ మోడెర్నా. ప్ర‌యోగాల పూర్తి ఫ‌లితాలు ఈ వ్యాక్సిన్ 94.1 శాతం స‌మ‌ర్థ‌వంతంగా ఉన్న‌ట్లు చూపించాయ‌ని, అయితే తీవ్ర‌మైన కేసుల విష‌యంలో ఇది 100 శాతం ప‌ని చేసిన‌ట్లు ఆ మోడెర్నా వెల్ల‌డించింది. అమెరికా, యూర‌ప్‌ల‌లో త‌మ వ్యాక్సిన్ వాడ‌కానికి క్లియ‌రెన్స్ కోర‌తామ‌ని తెలిపింది. వ్యాక్సిన్ అత్య‌వ‌స‌ర వినియోగానికి అనుమ‌తి ఇవ్వాల్సిందిగా అమెరికా ఫుడ్ అండ్ డ్ర‌గ్ అడ్మినిస్ట్రేష‌న్ (ఎఫ్‌డీఏ)ను కోర‌నున్న‌ట్లు మోడెర్నా ఒక ప్ర‌క‌ట‌న‌లో చెప్పింది. అంతేకాకుండా మార్కెటింగ్ కోసం యురోపియ‌న్ మెడిసిన్స్ ఏజెన్సీ (ఈఎంఏ)కు ద‌ర‌ఖాస్తు చేసుకుంటామ‌ని కూడా తెలిపింది.