e-Paper

Advertisement

E-Paper

Apps

Book Your Copy

Visit Telangana Today

Saturday, September 18, 2021
Home News వీల్‌చైర్‌తో రైలు పట్టాలపై పడిన వ్యక్తి.. కాపాడిన ప్రయాణికుడు

వీల్‌చైర్‌తో రైలు పట్టాలపై పడిన వ్యక్తి.. కాపాడిన ప్రయాణికుడు

వాషింగ్టన్‌: వీల్‌చైర్‌లో ఉన్న ఒక వ్యక్తి ప్రమాదవశాత్తు రైల్వే స్టేషన్‌ ఫ్లాట్‌ఫాం పైనుంచి రైలు పట్టాలపై పడ్డాడు. గమనించిన ఒక ప్రయాణికుడు సాహసం చేసి అతడ్ని కాపాడాడు. కొన్ని సెకండ్లలో రైలు స్టేషన్‌కు చేరుకోనుండగా తోటి ప్రయాణికుల సహాయంతో సురక్షితంగా ఫ్లాట్‌ఫాంపైకి చేర్చాడు. అమెరికాలోని న్యూయార్క్ నగరంలో యూనియన్ స్క్వేర్ రైల్వేస్టేషన్‌లో బుధవారం మధ్యాహ్నం ఈ ఘటన జరిగింది.

వీల్‌చైర్‌లో ఉన్న వ్యక్తి దానితో సహా ఫ్లాట్‌ఫాం పైనుంచి కింద ఉన్న రైలు పట్టాలపై పడ్డాడు. గమనించిన ఒక ప్రయాణికుడు వెంటనే కిందకు దూకాడు. వీల్‌చైర్‌ను ఫ్లాట్‌ఫాంపైకి చేర్చాడు. తోటి ప్రయాణికుల సహాయంతో ఆ వ్యక్తిని కూడా ఫ్లామ్‌ఫాంపైకి లాగడంతోపాటు అతడు కూడా వెంటనే పైకి వచ్చాడు. అనంతరం పది సెకండ్లలో రైలు స్టేషన్‌లోకి వచ్చి ఆగింది.

- Advertisement -

మరోవైపు తోటి ప్రయాణికులు ఉత్కంఠగా దీనిని గమనించారు. ఎవరికీ ఏమీ కాకపోవడంతో ఊపిరిపీల్చుకున్నారు. కాగా, ఈ వీడియో సోషల్‌ మీడియాలో వైరల్‌ అయ్యింది. వీల్‌చైర్‌తోసహా రైలు పట్టాలపై పడిన వ్యక్తిని కాపాడిన ప్రయాణికుడు, సహాయం చేసిన ఇతరులను నెటిజన్లు అభినందించారు.

https://www.instagram.com/reel/CSKs0n0jdfQ/?utm_source=ig_web_copy_link

Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana