భూమిని కాపాడుకుందాం

• 50 దేశాల సమిష్టి నిర్ణయం
  

ప్యారిస్‌, జనవరి 11: వచ్చే దశాబ్ద కాలంలో పర్యావరణ మార్పుల నుంచి 30 శాతం భూ, సముద్ర జీవ వైవిద్యాన్ని కాపాడాలని 50 దేశాలు సంయుక్తంగా నిర్ణయించాయి. ఫ్రాన్స్‌ రాజధాని ప్యారిస్‌లో సోమవారం నిర్వహించిన ‘ వన్‌ ప్లానెట్‌ సమ్మిట్‌'లో  కీలక నిర్ణయాలు తీసుకున్నాయి. 2030 లక్ష్యాన్సి సాధించేందుకు చిత్తశుద్ధితో పనిచేస్తామని  అన్ని దేశాలు ప్రతిజ్ఞ చేశాయి. 1. భూ, సముద్ర జీవావరణాన్ని రక్షించటం 2. పర్యావరణ హిత వ్యవసాయాన్ని ప్రోత్సహించటం 3. జీవ వైవిద్య రక్షణ నిధులు పెంచటం 4. మనుషులు, జంతువుల ఆరోగ్యంపై అడవుల నరికివేత ప్రభావం ఎలా ఉందో తెలుసుకోవటం అనే నాలుగు లక్ష్యాలను ఈ సమ్మిట్‌లో నిర్దేశించుకున్నాయి.