శనివారం 06 జూన్ 2020
International - Apr 17, 2020 , 15:17:24

ఎదుటి మనిషికి చెప్పేందుకేనా నీతులు?

ఎదుటి మనిషికి చెప్పేందుకేనా నీతులు?

హైదరాబాద్: అమెరికా అధ్యక్షుడు డొనాల్డ్ ట్రంప్ కుమార్తె ఇవాంకా, అల్లుడు జారెడ్ కూష్నర్ ఇద్దరూ కలిసి వాషింగ్టన్ నుంచి విమానంలో జామ్మంటూ ఎగిరిపోయారు. న్యూజెర్సీలోని బెడ్‌మిన్‌స్టర్‌లోగల ట్రంప్ రిసార్ట్స్‌లో యూదు పండుగ పాసోవర్ జరుపుకున్నారు. కూష్నర్ యూదు. ఇవాంకా పెళ్లయిన తర్వాత యూదు మతం పుచ్చుకున్నారు. వైట్‌హౌస్‌లో భార్యాభర్తలిద్దరూ కీలక పదవులు నిర్వహిస్తున్నారు. ఏదో ఉల్లిపాయ సామెత లాగా కరోనా రెచ్చిపోతున్నందున ప్రజలందరూ ఇంటిపట్టునే ఉండండి అని సందేశాలైతే ఇద్దరూ ఇచ్చారు. కానీ తామే పాటించడం మరిచిపోయారు.

దేశంతోపాటే వాషింగ్టన్‌లోని జనం ఇళ్లల్లోనే ఉండిపోయారు. విమానాలు ఎగరడం లేదు. కానీ ఒక విమానం ఎగిరింది. అందులో ట్రంప్ కూతురు, అల్లుడు ఉన్నారు. అత్యవసరమైతేనే అనే నిబంధన కూడా వర్తించదు. అయినా వారు సెలవు గడిపేందుకు రివ్వున విమానమెక్కి వెళ్లిపోయారు.  దీనిపై వైట్‌హౌస్ బోలెడు వివరణ ఇచ్చింది. కానీ జనం మాత్రం నీతులు మాకే కానీ మీకు కాదు కదా.. అని పెదవి విరుస్తున్నారు.


logo