హైదరాబాద్ : నగరంలోని బషీర్బాగ్లో సోమవారం ఉదయం భారీ అగ్నిప్రమాదం సంభవించింది. అక్కడున్న మహావీర్ భవన్లోని ఐదో అంతస్తులో అగ్నికీలలు చెలరేగాయి. దీంతో అప్రమత్తమైన సిబ్బంది అగ్నిమాపక శాఖ అధికారులకు సమాచారం అందించారు. ఘటనాస్థలికి చేరుకున్న మూడు ఫైరింజన్లు మంటలను అదుపు చేస్తున్నాయి. మహావీర్ భవన్ పక్కనే సిటీ పోలీసు కమిషనరేట్ కార్యాలయం ఉంది. అగ్నిప్రమాదానికి గల కారణాలు తెలియాల్సి ఉంది.