ఆదివారం 24 జనవరి 2021
International - Dec 24, 2020 , 22:29:38

వియత్నాంకు అండగా దక్షిణ చైనా సముద్రంలోకి భారత్‌ నౌక

వియత్నాంకు అండగా దక్షిణ చైనా సముద్రంలోకి భారత్‌ నౌక

వియత్నాంకు సహాయం అందించడానికి దక్షిణ చైనా సముద్రంలోకి తన యుద్ధనౌకను భారత్‌ పంపేందుకు ఏర్పాట్లు చేసింది. కొవిడ్-19 మహమ్మారి మధ్య ఈ ప్రాంతంలోని దేశాలకు సహాయం చేయడానికి న్యూఢిల్లీ చేసిన ప్రయత్నాల్లో భాగంగా మధ్య వియత్నాంలో వరదలతో బాధపడుతున్న ప్రజలకు 15 టన్నుల మానవతా సహాయ సామాగ్రితో భారత యుద్ధనౌక గురువారం హో చి మిన్ నగరానికి చేరుకున్నది.

కొర్వెట్టి ఐఎన్ఎస్ కిల్తాన్ సందర్శన రెండు నావికాదళాల మధ్య సముద్ర సహకారాన్ని పెంచడం, ప్రాంతీయ భద్రత, స్థిరత్వానికి దోహదం చేయడం. హో చి మిన్ సిటీ నుంచి బయలుదేరిన తరువాత యుద్ధనౌక డిసెంబర్ 26-27 మధ్య కాలంలో దక్షిణ చైనా సముద్రంలో వియత్నాం పీపుల్స్ నేవీతో విన్యాసాలు చేయనున్నది. కరోనా వైరస్‌ మహమ్మారి సమయంలో స్నేహపూర్వక దేశాలకు భారతదేశం యొక్క మానవతా సహాయం, విపత్తు సహాయంలో భాగమైన “మిషన్ సాగర్ -3” కింద ఐఎన్ఎస్ కిల్తాన్.. న్హా రోంగ్ నౌకాశ్రయానికి వెళ్లినట్లు రక్షణ మంత్రిత్వ శాఖ తెలిపింది. జాతీయ విపత్తు నివారణ, నియంత్రణ కోసం ఉపశమన పదార్థాలను వియత్నాం కేంద్ర స్టీరింగ్ కమిటీకి అప్పగిస్తారు. సోమవారం భారత్‌-వియత్నాం దేశాలు రక్షణ నుంచి పెట్రోకెమికల్స్ వరకు ఏడు ఒప్పందాలపై సంతకం చేశాయి. ఇండో-పసిఫిక్‌లో స్థిరత్వాన్ని నిర్ధారించడానికి మెరుగైన భద్రతా సహకారం కోసం ఉమ్మడి దృష్టిని ఆవిష్కరించారు.

చైనా యొక్క దూకుడు చర్యల గురించి ఇరు దేశాలలో ఉన్న ఆందోళనల నేపథ్యంలో ఈ పరిణామాలు వచ్చాయి. 100 మిలియన్ డాలర్ల క్రెడిట్ కింద వియత్నాం కోసం తయారు చేయబడిన 12 పెట్రోలింగ్ బోట్లలో ఒకదాన్ని భారత్ అప్పగించింది.

లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.


logo