సోమవారం 06 జూలై 2020
International - Jun 03, 2020 , 12:39:54

క‌రోనా చికిత్స‌కు.. బ్రూఫిన్ ట్ర‌య‌ల్స్‌

క‌రోనా చికిత్స‌కు.. బ్రూఫిన్ ట్ర‌య‌ల్స్‌

హైద‌రాబాద్‌:  సాధార‌ణ‌ నొప్పుల కోసం వాడే బ్రూఫిన్ ట్యాబ్లెట్‌ను.. క‌రోనా రోగులపై బ్రిట‌న్ డాక్ట‌ర్లు ట్ర‌య‌ల్స్ నిర్వ‌హిస్తున్నారు.  కోవిడ్19 వ్యాధితో బాధ‌ప‌డేవారికి ఈ మాత్ర‌ల‌ను ప‌రీక్షించాల‌ని భావిస్తున్నారు.  గ‌య్స్ అండ్ సెయింట్ థామ‌స్ హాస్పిట‌ల్‌, కింగ్స్ కాలేజీకి చెందిన బృందం.. బ్రూఫిన్ మందుల‌ను ప‌రీక్షిస్తున్న‌ది.  బ్రూఫిన్ సాధార‌ణ పెయిన్ కిల్ల‌ర్‌.  అయితే ఈ మాత్ర‌లు.. శ్వాస‌కోస ఇబ్బందుల్ని కూడా దూరం చేస్తాయ‌ని డాక్ట‌ర్లు భావిస్తున్నారు. చాలా త‌క్కువ ధ‌ర‌కే అందుబాటులో ఉండే ఈ మాత్ర‌ల వ‌ల్ల.. ఖ‌రీదైన వెంటిలేట‌ర్ చికిత్స‌కు క‌రోనా రోగులు దూరం కావొచ్చు అన్న అభిప్రాయం వ్య‌క్తం అవుతున్న‌ది.

బ్రిట‌న్‌లో క‌రోనా పేషెంట్ల‌కు కింగ్స్ కాలేజీ డాక్ట‌ర్లు ప్ర‌స్తుతం బ్రూఫిన్ మాత్ర‌ల‌ను ప‌రీక్షిస్తున్న‌ట్లు ఓ స్ట‌డీ ద్వారా తెలుస్తోంది. సాధార‌ణ బ్రూఫిన్ కాకుండా, ప్ర‌త్యేక ఫార్ములాతో త‌యారు చేసిన బ్రూఫిన్ ట్యాబ్లెట్ల‌ను డాక్ట‌ర్లు ప‌రీక్షించ‌నున్నారు.  కీళ్ల‌నొప్పుల‌కు సాధార‌ణంగా బ్రూఫిన్ ట్యాబ్లెట్‌ను వాడుతుంటారు. జంతువుల‌పై జ‌రిగిన ప‌రీక్ష‌ల వ‌ల్ల‌ బ్రూఫిన్ మాత్ర‌ల‌తో శ్వాస‌కోస ఇబ్బందులు న‌యం అవుతాయ‌ని నిర్ధారించారు. మ‌నుషుల‌పై బ్రూఫిన్ ప‌రీక్ష‌ల‌ను చేప‌ట్ట‌నున్న‌ట్లు కింగ్స్ కాలేజీ ప్రొఫెస‌ర్ మితుల్ మెహ‌తా తెలిపారు. క‌రోనా రోగుల చికిత్స కోసం వాస్త‌వానికి పారాసిట‌మాల్ లేదా బ్రూఫిన్ వాడాలా అన్న కొంత మీమాంస ఉండేది. మొదట్లో ఎక్కువ శాతం మంది డాక్ట‌ర్లు.. పారాసిట‌మాల్ వాడాల‌న్న అభిప్రాయాన్ని వెలిబుచ్చారు. 

క‌రోనా ల‌క్ష‌ణాలు ఉంటే పారాసిట‌మాల్ తీసుకుంటే బెట‌ర్ అని క‌మిష‌న్ ఆన్ హ్యూమ‌న్ మెడిసిన్ అభిప్రాయ‌ప‌డింది. ప్లూ లాంటి ల‌క్ష‌ణాల‌ను త‌గ్గించేందుకు రెండు మాత్ర‌లు ప‌నికొస్తాయ‌న్న అభిప్రాయం కూడా వ్యక్త‌మైంది. అయితే అల్స‌ర్ ఉన్న వాళ్లు మాత్రం బ్రూఫిన్ వాడ‌వ‌ద్దు అని డాక్ట‌ర్లు నిర్ధారించారు.


logo