e-Paper

Advertisement

E-Paper

Apps

Book Your Copy

Visit Telangana Today

Tuesday, September 21, 2021
Home అంతర్జాతీయం ఆరు రోజుల్లో రికవరీ!

ఆరు రోజుల్లో రికవరీ!

  • చిన్నారుల్లో దీర్ఘకాల కొవిడ్‌-19 లక్షణాలు తక్కువే
  • కొద్ది మందిలోనే నెలరోజుల తర్వాత కూడా లక్షణాలు
  • వైరస్‌ సోకిన తొలివారంలో అలసట, తలనొప్పి
  • జలుబు, ఫ్లూ వ్యాధులున్న వాళ్లలో వైరస్‌ తీవ్రత ఎక్కువ
  • లాన్సెట్‌లో బ్రిటన్‌ పరిశోధకుల అధ్యయనం

లండన్‌, ఆగస్టు 4: కరోనా థర్డ్‌వేవ్‌ చిన్నారులపై ఎక్కువ ప్రభావాన్ని చూపిస్తుందన్న ప్రచారం నేపథ్యంలో తల్లిదండ్రులకు ఊరటనిచ్చే వార్త ఇది. కొవిడ్‌-19 బారిన పడిన పిల్లల్లో కనిపించే లక్షణాలు ఎక్కువకాలం ఉండబోవని బ్రిటన్‌ పరిశోధకుల అధ్యయనం పేర్కొంది. వైరస్‌ లక్షణాలు ఉన్న చిన్నారుల్లో ఎక్కువమంది ఆరురోజుల్లోనే కోలుకుంటున్నట్టు వెల్లడించింది. ఈ వివరాలు ప్రఖ్యాత వైద్య పత్రిక ‘లాన్సెట్‌ చైల్డ్‌ అండ్‌ అడాలెసెంట్‌’లో ప్రచురితమయ్యాయి. చిన్నారుల్లో వైరస్‌ తీవ్రత, లక్షణాలను అంచనా వేసేందుకు బ్రిటన్‌లోని కింగ్స్‌ కాలేజ్‌ లండన్‌ పరిశోధకులు 5-17 వయసున్న 2.5 లక్షల మంది పిల్లలపై 2020 సెప్టెంబర్‌ 1 – 2021 ఫిబ్రవరి 22 మధ్య ఈ అధ్యయనాన్ని చేపట్టారు. ‘జో కొవిడ్‌’ యాప్‌ను ఈ అధ్యయనం కోసం వినియోగించారు.

అధ్యయనంలోని కీలకాంశాలు

  • చిన్నారులపై కొవిడ్‌-19 తీవ్రత, దీర్ఘకాలంలో లక్షణాలు తక్కువే. లక్షణాలు ఉన్న చిన్నారులు ఆరురోజుల నుంచి 4 వారాల్లో కోలుకుంటున్నారు.
  • వైరస్‌ సోకినా కొందరిలో లక్షణాలు లేవు. అయితే వీరు స్వల్ప అస్వస్థతకు గురవుతున్నారు.
  • వ్యాధికి గురైన తొలివారంలో పిల్లల్లో ప్రధానంగా మూడు లక్షణాలు కనిపిస్తున్నాయి. అవి. అలసట, తలనొప్పి, వాసన కోల్పోవడం.
  • అతి తక్కువ మంది చిన్నారుల్లో మాత్రమే నెలరోజుల తర్వాత కూడా లక్షణాలు కనిపించాయి. 84 శాతం మంది చిన్నారుల్లో అలసట కనిపించింది.
  • 5-11 వయసుల వారి కంటే 12-17 వయసున్న చిన్నారులు ఎక్కువగా దీర్ఘకాల అనారోగ్యానికి గురవుతున్నారు.
  • జలుబు, ఫ్లూ వ్యాధులు ఉన్న చిన్నారులు వైరస్‌బారిన పడినప్పుడు వారిలో కనిపించే లక్షణాలు మిగతా చిన్నారుల కంటే ఎక్కువగా ఉన్నాయి.
- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana