సరదాగా మాట్లాడుకోవడం, సోషల్ మీడియాలో కామెంట్లు చేసుకోవడం సినీజనాలకు కామనే. ఇప్పుడలానే స్టైలిష్ స్టార్ అల్లు అర్జున్ గురించి బాలీవుడ్ భామ పూజాహెగ్డే పెట్టిన కామెంట్ హాట్ టాపిక్ గా మారింది. మెగా హీరోల్లో ఇప్పుడు బన్నీ కూడా కోవిడ్ బారిన పడ్డాడు. పాజిటివ్ వచ్చిన విషయాన్ని సోషల్ మీడియా ద్వారా పంచుకున్నాడు. దీనికి ఫన్నీరిప్లై ఇచ్చింది పూజాహెగ్డే.
అమూల్యకి తోడుగా బంటి వచ్చేశాడు అని కామెంట్ చేసింది. వీళ్ల కాంబోలో అల వైకుంఠపురంలో సినిమా వచ్చింది. అందులోని బంటి, అమూల్య పాత్రలను మెన్షన్ చేస్తూ పూజా ఈకామెంట్ చేసింది. నా శక్తిని నీకు కొంచెం పంపిస్తున్నాను జాగ్రత్తగా ఉండు అంటూ పెట్టిన పోస్ట్ అందిరనీ ఆకట్టుకుంటోంది. కొద్దిరోజుల క్రితం బుట్టబొమ్మ కూడా కోవిడ్ బారిన పడింది. ప్రస్తుతం హోమ్ క్వారంటైన్ లో ఉంటోంది. ప్రస్తుతం తెలుగులో పూజాహెగ్డే రామ్ చరణ్ సరసన ఆచార్య సినిమాలో నటిస్తోంది. అలాగే అఖిల్ సరసన మోస్ట్ ఎలిజిబుల్ బ్యాచులర్ సినిమా చేసింది.