కరోనా మహమ్మారి నుంచి బయటపడ్డాక వ్యాయామంతో పాటు మంచి ఆహారం తీసుకుంటే సంపూర్ణ ఆరోగ్యం సొంతం చేసుకోవచ్చు. చాలామంది నెగెటివ్ రిపోర్ట్ రాగానే ఆరోగ్యంపై దృషి ్టపెట్టడం లేదు. అలా నిర్లక్ష్యంగా ఉంటే ఎంతో ప్రమాదకరమని వైద్య నిపుణులు సూచిస్తున్నారు. నెగెటివ్ రిపోర్ట్ వచ్చిన తర్వాత తీసుకోవాల్సిన ఆహారం, చేయాల్సిన వ్యాయామంపై ముంబైకి చెందిన న్యూట్రిషనిస్ట్, ఫిట్నెస్ ఎక్స్పర్ట్ శాలినీ భార్గవ్ ‘నమస్తే తెలంగాణ’కు వివరించారు.
నెగెటివ్ వచ్చిన తర్వాత పూర్తిగా కోలుకునేందుకు వారం పాటు పూర్తి విశ్రాంతి తీసుకోవాలి. తగినంత నీరు తాగుతూ శరీరానికి ఎప్పటికప్పుడు నీరందిస్తూ ఉండాలి. రోజులో కనీసం 3 నుంచి 4 లీటర్ల నీరు తాగాలి. దీంతోపాటు కొబ్బరినీరు, నిమ్మరసం, గ్లూకోజ్ తరచూ తీసుకుంటూ ఉండాలి.