హైదరాబాద్ : ప్రభుత్వ ఉద్యోగులకు ఫిట్ మెంట్, పదవీ విరమణ వయసు పెంచి ఉద్యోగుల పక్షపాతిగా సీఎం కేసీఆర్ నేతృత్వంలోని తెలంగాణ ప్రభుత్వం పనిచేస్తున్నదని దేవాదాయ శాఖ మంత్రి అల్లోల ఇంద్రకరణ్ రెడ్డి అన్నారు. రాష్ట్రంలోని ప్రభుత్వ ఉద్యోగ, ఉపాధ్యాయులు, పెన్షనర్లకు సీఎం కేసీఆర్ 30 శాతం ఫిట్మెంట్ ప్రకటించడం పట్ల ఆయన హర్షం వ్యక్తం చేశారు.
పల్లాను అభినందించిన మంత్రి..
వరంగల్- ఖమ్మం – నల్గొండ ఉమ్మడి జిల్లాల పట్టభద్రుల ఎమ్మెల్సీ ఎన్నికల్లో టీఆర్ఎస్ అభ్యర్థిగా విజయం సాధించిన పల్లా రాజేశ్వర్ రెడ్డి అసెంబ్లీలో మర్యాదపూర్వకంగా మంత్రి ఇంద్రకరణ్రెడ్డిని కలిశారు. ఈ సందర్భంగా పల్లాను మంత్రి అభినందించారు.