బుధవారం 23 సెప్టెంబర్ 2020
International - Jul 22, 2020 , 21:04:08

మూడో‘సారీ’.. బోల్సొనారోకి కరోనా పాజిటివ్‌

మూడో‘సారీ’.. బోల్సొనారోకి కరోనా పాజిటివ్‌

బ్రసిలియా : వరుసగా మూడు సార్లు నిర్వహించిన కరోనా పరీక్షల్లో బ్రెజిల్‌ అధ్యక్షుడు జైర్ బోల్సొనారోకు పాజిటివ్‌గా తేలింది. మంగళవారం నమూనాలు సేకరించగా, బుధవారం వెలువడిన ఫలితాల్లో లక్షణాలు ఉన్నట్లు గుర్తించారు. కొవిడ్‌-19 లక్షణాలతో బాధపడుతున్న ఆయన ఈ నెల 7న పరీక్షలు చేయగా వైరస్‌ సోకినట్లు తేలింది. దీంతో అధ్యక్ష భవనంలోనే స్వీయ నిర్భంధంలో ఉన్నారు. బోల్సొనారో ఆరోగ్యం మెరుగ్గానే ఉందని, వైద్యులు పరిశీలిస్తున్నారని అధ్యక్ష పరిపాలన భవనం ఒక ప్రకటనలో పేర్కొంది.

గత వారం నిర్వహించిన పరీక్షల్లోనూ పాజిటివ్‌గా వచ్చింది. స్వీయ నిర్బంధంలో ఉన్న సమయంలో బోల్సొనారో అల్పహారం, కాఫీ తీసుకుంటున్న చిత్రాలను ఇటీవల సోషల్‌ మీడియాలో పోస్టు చేశారు. అమెరికా తర్వాత కరోనా కేసుల్లో ప్రపంచంలోనే రెండో బాధిత దేశంగా ఉంది. ప్రపంచ ఆరోగ్య సంస్థ తాజా నివేదిక ప్రకారం ఇప్పటి వరకు బ్రెజిల్‌లో 21,67,988 కేసులు నమోదవగా, 14,65,970 మంది కోలుకున్నారు. 6,20,390 మంది చికిత్స పొందుతుండగా, వైరస్‌ ప్రభావంతో 80వేలకుపైగా మృతి చెందారు. 


లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.


logo