బుధవారం 20 జనవరి 2021
International - Dec 08, 2020 , 17:15:45

అమెరికా రక్షణ కార్యదర్శిగా లాయిడ్‌ ఆస్టిన్‌

అమెరికా రక్షణ కార్యదర్శిగా లాయిడ్‌ ఆస్టిన్‌

వాషింగ్టన్‌ : అమెరికా అధ్యక్షుడిగా ఎన్నికైన జో బైడెన్ తన రక్షణ కార్యదర్శిగా రిటైర్డ్ జనరల్ లాయిడ్ ఆస్టిన్‌ (67) ను ఎన్నుకున్నారు. బరాక్ ఒబామా ఆధ్వర్యంలో మధ్యప్రాచ్యంలో యూఎస్ దళాలను లాయిడ్‌ ఆస్టిన్‌ పర్యవేక్షించారు. లాయిడ్‌ ఆస్టిన్‌తో పలువురు ఉన్నతాధికారులను కూడా బైడెన్‌ ఎంపికచేశారు.

ఆస్టిన్‌ 2016 లో పదవీ విరమణ చేశారు. ఒబామా పాలనా సమయంలో బైడెన్, ఆస్టిన్ మధ్య పని సంబంధం పెరిగింది. రక్షణ కార్యదర్శిగా నియమితులైన రిటైర్డ్ జనరల్ ఆస్టిన్‌ జాతీయ భద్రతా సమస్యలపై పరివర్తన బృందానికి సలహా ఇస్తారు. ఆర్మీ వైస్ చీఫ్ ఆఫ్ స్టాఫ్‌గా, ఇరాక్, సిరియా, ఆఫ్ఘనిస్తాన్లలో సైనిక కార్యకలాపాలను పర్యవేక్షించే మిలిటరీ కమాండ్ సెంట్రల్ కమాండ్‌కు నాయకత్వం వహించాడు. ఆస్టిన్ తెర వెనుక పనిచేయడానికి చాలా ఇష్టపడతాడు. అదేవిధంగా యూఎస్‌ సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ) ను నిర్వహించడానికి, బైడెన్ ఆరోగ్య, మానవ సేవల కార్యదర్శిగా కాలిఫోర్నియా అటార్నీ జనరల్ జేవియర్ బెకెరాను , అలాగే బోస్టన్‌లోని మసాచుసెట్స్ జనరల్ హాస్పిటల్‌లో అంటు వ్యాధుల చీఫ్ డాక్టర్ రోషెల్ వాలెన్స్కీని ఎన్నుకున్నారు. నేషనల్ ఇన్‌స్టిట్యూట్ ఆఫ్ అలెర్జీ అండ్ ఇన్ఫెక్షియస్ డిసీజెస్ డైరెక్టర్ డాక్టర్ ఆంథోనీ ఫౌసీ వైరస్ పై బైడెన్ యొక్క ప్రధాన వైద్య సలహాదారుగా ఎంపికయ్యారు. 

సెంట్రల్ కమాండ్‌కు నాయకత్వం వహించిన మాజీ రక్షణ కార్యదర్శి జిమ్ మాటిస్ మాదిరిగా ఆస్టిన్ కూడా ధృవీకరణ పొందేందుకు కాంగ్రెస్ నుంచి మాఫీ అవసరం. ఈ పదవిని చేపట్టడానికి ముందు దళాలను ఏడేండ్లపాటు నడిపించాలని చట్టం చెప్తున్నది. వెస్ట్ పాయింట్ వద్ద యూఎస్‌ మిలిటరీ అకాడమీ నుంచి పట్టా పొందిన తరువాత పదాతిదళ విభాగాలకు నాయకత్వం వహించారు. ఇరాక్, ఆఫ్ఘనిస్తాన్లలో పోరాడినప్పుడు 3 వ పదాతిదళ విభాగం, 10 వ పర్వత విభాగం ప్రాధమిక భూ పోరాట విభాగాలలో ఆదేశాలిచ్చే స్థాయికి ఎదిగారు. అమెరికాలో మూడో అత్యున్నత పురస్కారం అయిన సిల్వర్ స్టార్ అవార్డు అందుకున్నారు.

లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.


logo