నేను కరోనా బారిన పడ్డాను. ఆ సమయంలో వైద్య చికిత్సకు తోడు ప్లాస్మా దానం చేస్తే మరో ఇద్దరి ప్రాణం నిలబెట్టవచ్చని తెలుసుకున్నాను. దీంతో ఎవరికైనా ప్లాస్మా అవసరం ఉంటే ఇవ్వడానికి సిద్ధపడ్డాను. అదే సమయంలో మా పోలీసు అధికారి నుంచి కర్నాటకలో ఒకరికి అత్యవసరంగా ప్లాస్మా అవసరం ఉందని తెలుసుకున్నాను. వెంటనే అక్కడికి వెళ్లి ప్లాస్మా ఇచ్చాను. మరో ఇద్దరికి అవసరం ఉండటంతో వారికి కూడా ఇ చ్చాను. ప్లాస్మా దానం చేసిన 24 గంటల్లో నా శరీరంలో తిరిగి యాంటీ బాడీస్ వచ్చా యి. వారిని కరోనా నుంచి కాపాడానని సంతృప్తి మిగిలింది. – వీర బ్రహ్మం, సబ్ ఇన్స్పెక్టర్, మియాపూర్
ఒకరి ప్రాణం నిలబెడతామనే నమ్మకంతో నేను రెండుసార్లు ప్లాస్మా దానం చేశాను. ప్లాస్మా దానంతో ఎలాంటి అనారోగ్యం రాదని సైబరాబాద్ సీపీ కల్పించిన అవగాహనతోనే నేను ప్లాస్మా దానానికి ముందుకు వచ్చా ను. అపోహలు, అనుమానాలకు పోయి ఓ ప్రాణాన్ని కాపాడకుండా ఉండకండి. ప్లాస్మా దానంతో ఎలాంటి నష్టం ఉండదు. ముందుకు రండి. – భాస్కర్, ఇన్స్పెక్టర్, ఈఓడబ్ల్యూ సైబరాబాద్