బీజింగ్ : చైనాలో పిల్లల్ని ఎత్తుకుపోయే ఘటనలు ఎక్కువగా నమోదు అవుతుంటాయి. ఓ తండ్రి తప్పిపోయిన తన కుమారిడి కోసం సుమారు 5 లక్షల కిలోమీటర్లు ప్రయాణించాడు. చివరకు 24 ఏళ్ల తర్వాత కుమారుడి ఆచూకీ చిక్కింది. ఈ ఘటన చైనాలోని షాన్డాంగ్ ప్రావిన్సులో జరిగింది. గువా గాంగ్టాంగ్ కుమారుడు రెండేళ్ల వయసులో అపహరణకు గురయ్యాడు. ఇంటి ముందు ఆడుకుంటున్న సమయంలో ఆ పిల్లవాడిని ఎత్తుకెళ్లారు. ఈ ఘటనలో ఇద్దరు అనుమానితుల్ని పోలీసులు అరెస్టు చేశారు. డీఎన్ఏ పరీక్షల ఆధారంగా పిల్లవాడి ఆచూకీ గుర్తించినట్లు తాజాగా పబ్లిక్ సెక్యూర్టీ మంత్రిత్వశాఖ పేర్కొన్నది. నిజానికి తన కుమారుడి కోసం గువా గాంగ్టాంగ్ దాదాపు 20 ప్రావిన్సుల్లో తిరిగాడు. 1997లో రెండేళ్ల వయసులో పిల్లవాడు అపహరణకు గురయ్యాడు. అప్పటి నుంచి కొడుకు కోసం అతను దేశమంతా ప్రయాణించాడు. ఆ సమయంలో అనేక వడిదిడుకులను ఎదుర్కొన్నాడు. గువా గాంగ్టాంగ్ కథ ఆధారంగా 2015లో ఓ సినిమా కూడా తీశారు. ఆ సినిమాలో హాంగ్కాంగ్ సూపర్స్టార్ ఆండీ లువా నటించారు. చైనాలో ప్రతి ఏడాది సుమారు 20 వేల మంది చిన్నారులు అపహరణకు గురవుతున్నట్లు 2015 డేటా ప్రకారం తెలుస్తోంది.