ఆదివారం 29 నవంబర్ 2020
International - Oct 31, 2020 , 12:15:54

అమెరికాలో 24 గంట‌ల్లో 94 వేల పాజిటివ్ కేసులు

అమెరికాలో 24 గంట‌ల్లో 94 వేల పాజిటివ్ కేసులు

హైద‌రాబాద్‌:  అమెరికాలో అత్య‌ధికంగా గ‌త 24 గంట‌ల్లో 94వేల కరోనా వైరస్ పాజిటివ్ కేసులు న‌మోదు అయ్యాయి.  అధ్య‌క్ష ఎన్నిక‌ల‌కు ముందే ప‌లు రాష్ట్రాల్లో కేసుల సంఖ్య రెట్టింపు అయ్యింది.  వ‌రుస‌గా రెండ‌వ రోజు కేసుల సంఖ్య‌లో రికార్డు న‌మోదు అయ్యింది.  గురువారం రోజున కూడా సుమారు 91 వేల కేసులు న‌మోదు అయ్యాయి. ఇప్ప‌టి వ‌ర‌కు అమెరికాలో 90 ల‌క్ష‌ల పాజిటివ్ కేసులు రిపోర్ట్ అయిన‌ట్లు జాన్స్ హాప్కిన్స్ యూనివ‌ర్సిటీ పేర్కొన్న‌ది.  మ‌రోవైపు అమెరికా ఎన్నిక‌ల పోరు ఆస‌క్తిక‌రంగా మారింది.  మంగ‌ళ‌వార‌మే దేశాధ్య‌క్ష ఎన్నిక‌లు జ‌ర‌గ‌నున్నాయి. సుమారు 21 రాష్ట్రాల్లో వైర‌స్ కేసులు విస్తృతంగా ప్ర‌బ‌లుతున్న‌ట్లు తెలుస్తోంది. వీటిల్లో కొన్ని స్వింగ్ స్టేట్స్ కూడా ఉన్నాయి. ఎన్నిక‌ల ర్యాలీల‌కు హాజ‌ర‌వుతున్న వారికి మాస్క్‌ల‌ను అందిస్తున్నారు. టెంప‌రేచ‌ర్ స్క్రీనింగ్ కూడా చేస్తున్నారు.  కొన్ని చోట్ల సోష‌ల్ డిస్టాన్సింగ్ పాటిస్తున్నారు. కొన్ని చోట్ల కార్లలో ఉంటూనే ర్యాలీల్లో పాల్గొంటున్నారు.