ఓ పెళ్లి కూతురు కత్తి, కర్ర సాము ప్రదర్శనతో అదరగొట్టింది.. అందర్నీ ఆశ్చర్యపరిచింది. ఆత్మ రక్షణ కోసం తన చిన్నతనం నుంచే మార్షల్ ఆర్ట్స్ నేర్చుకున్న ఆ యువతి.. పెళ్లి ఊరేగింపులో అద్భుతమైన ప్రదర్శన ఇచ్చింది. ఆమె స్నేహితురాళ్లు కూడా ఏకంగా 90 నిమిషాల పాటు వివిధ ప్రదర్శనలు ఇచ్చి ప్రశంసలు పొందారు.
తమిళనాడులోని తిరుకోలూరు గ్రామానికి చెందిన పీ నిషా(22) వివాహం రాజ్ కుమార్ అనే వ్యక్తితో ఇటీవలే జరిగింది. అయితే వివాహ అనంతరం నిర్వహించిన ఊరేగింపులో.. తాను నేర్చుకున్న మార్షల్ ఆర్ట్స్ విద్యతో నిషా అదరగొట్టింది. మొదటగా ఫ్లెక్సిబుల్గా ఉండే కత్తులతో ప్రదర్శన ఇచ్చింది. అనంతరం కర్ర సామును ప్రదర్శించింది. అది కూడా పెళ్లి దుస్తుల్లోనే. ఇక నిషాకు తోడుగా ఆమె ఫ్రెండ్స్ కూడా మార్షల్ ఆర్ట్స్ లో తాము నేర్చుకున్న విద్యలను ప్రదర్శించి శభాష్ అనిపించుకున్నారు.
ఆడ పిల్లలకు ఆత్మ రక్షణ అనేది చాలా అవసరం. ఈ క్రమంలోనే మా అమ్మ, నాన్నలు మార్షల్ ఆర్ట్స్ కు పంపేవారు. అక్కడ ఆత్మరక్షణకు సంబంధించిన అనేక విద్యలను నేర్చుకున్నాను. అమ్మాయిల్లో ఒక అవగాహన కల్పించేందుకు పెళ్లి ఊరేగింపులో తనకు వచ్చిన విద్యను ప్రదర్శించాను అని నిషా తెలిపింది.