బెంగళూర్ : జొమాటో డెలివరీ ఎగ్జిక్యూటివ్ మంగళవారం తన ఇంట్లోకి ప్రవేశించి దాడికి పాల్పడ్డాడని మహిళ ఆరోపించారు. ఇరువురి మధ్య వాగ్వాదం ముదరడంతో జొమాటో ఎగ్జిక్యూటివ్ దాడిలో ఆమె ముక్కు ఎముక ఫ్రాక్చర్ అయింది. దాడికి దారితీసిన పరిస్ధితులను వివరిస్తూ బాధిత మహిళ సోషల్ మీడియాలో వీడియోను షేర్ చేయడంతో ఈ ఘటన ఆలస్యంగా వెలుగుచూసింది. జొమాటో ఎగ్జిక్యూటివ్ తన ఇంట్లోకి చొరబడి దాడికి తెగబడ్డాడని బాధిత మహిళ హితేష చంద్రానీ ఆరోపించారు.
ఆమె పోస్ట్పై జొమాటో స్పందిస్తూ ‘ఈ ఘటనపై మీరు అందించిన సమాచారానికి ధన్యవాదాలని, తమ డెలివరీ సిబ్బంది మీకు పోలీస్ దర్యాప్తులో సాయపడతారని, అవసరమైన వైద్య సాయం అందిస్తార’ని పేర్కొంది. రాబోయే రోజుల్లో ఇలాంటి ఘటనలు పునరావృతం కాకుండా చర్యలు చేపడతామని స్పష్టం చేసింది.