డూడుల్ ఆర్టిస్ట్ శంతను హజారికాతో శృతిహాసన్ ప్రేమలో ఉన్నట్లు గత కొంతకాలంగా వార్తలొస్తున్నాయి. హజారికాతో శృతిహాసన్ సన్నిహితంగా ఉన్న పలు ఫొటోలు సోషల్మీడియాలో దర్శనమిచ్చాయి. అతడితో ఉన్న అనుబంధంపై శృతిహాసన్ మాత్రం ఇప్పటివరకు పెదవివిప్పలేదు. ప్రస్తుతంలాక్డౌన్ విరామాన్ని ప్రియుడితో కలిసి శృతిహాసన్ ఏకాంతంగా ఆస్వాదిస్తున్నట్లు వార్తలొస్తున్నాయి. ఇటీవల శృతిహాసన్ సోషల్మీడియా ద్వారా అభిమానులతో పంచుకున్న ఫొటోల్లో శంతను కనిపించడంతో వారిద్దరూ కలిసి ఉంటున్నది నిజమేనంటూ సన్నిహిత వర్గాలు చెబుతున్నాయి. తాజాగా బుధవారం ఇన్స్టాగ్రామ్ ద్వారా అభిమానులతో ముచ్చటించింది శృతిహాసన్. ఈ సందర్భంగా ఇప్పటివరకు సోషల్మీడియాలో షేర్ చేయని మీకు బాగా ఇష్టమైన ఫొటో ఏది? అని ఓ అభిమాని అడిగిన ప్రశ్నకు శృతిహాసన్ బదులిస్తూ శంతను హజారికను వెనకనుండి తాను కౌగిలించుకున్న ఓ ఫొటోను పోస్ట్ చేసింది. ఈ ఫొటోను చూసిన వారంతా శంతనుతో ప్రేమలో ఉన్న విషయాన్ని శృతిహాసన్ తెలివిగా చెప్పిదంటున్నారు.