అక్కినేని నాగార్జున ప్రధాన పాత్రలో అహిషోర్ సాల్మన్ తెరకెక్కించిన చిత్రం వైల్డ్ డాగ్. హైదరాబాద్లో జరిగిన బాంబు పేలుళ్ల నేపథ్యంలో తెరకెక్కిన ఈ చిత్రంలో సయామీ ఖేర్, దియా మీర్జా, అతుల్ కుల్ కర్ణి ప్రధాన పాత్రలు పోషించారు. ఏప్రిల్ 2న విడుదల కానున్న ఈ సినిమా ప్రమోషన్స్ జోరుగా సాగుతున్నాయి. తాజాగా నాగార్జున తన ట్విట్టర్ ద్వారా ఇంట్రెస్టింగ్ ప్రోమో విడుదల చేశారు. ఇందులో టెర్రరిస్ట్ల కోసం భారీగా ఖర్చు పెడుతున్నారని తెలియజేస్తూ, మీరు దీనిని అంగీకరిస్తారా, నేను మాత్రం ఒప్పుకోను అంటూ నాగ్ తెలియజేశారు. ఇంట్రెస్టింగ్గా ఉన్న టీజర్పై మీరు ఓ లుక్కేయండి.
చిత్రంలో నేషనల్ ఇన్వెస్టిగేషన్ ఏజెన్సీ(NIA) ఏజెంట్ విజయ్ వర్మగా నాగార్జున అదరగొట్టనున్నాడు. కొందరు సంఘ విద్రోహ శక్తులతో పాటు తీవ్రవాదులతో విజయ్ వర్మ చేసే పోరాటమే వైల్డ్ డాగ్ సినిమా. డిపార్ట్మెంట్లో ఆయన్ని అంత ముద్దుగా వైల్డ్ డాగ్ అంటారు.