వీడియో: 7 లక్షల వాచ్‌ను దొంగలించడానికి భలే స్కెచ్ వేశారు!



Wed,January 10, 2018 05:07 PM

Thieves plan Fireworks in Mall To steal Rolex Watch worth Rs.7 Lakhs

దొంగలు కూడా మారిపోతున్నారు బాస్. దొంగతనం చేయడం కోసం వాళ్లు కూడా అధునాతన పద్ధతులను ఉపయోగిస్తున్నారు. యూఎస్‌లోని ఫ్లొరిడాలో కొత్త సంవత్సరం సంబురాలు జరుగుతున్న వేళ... ఓ దొంగల ముఠా బీభత్సమైన స్కెచ్ వేసింది. ఓ మాల్‌కు కస్టమర్లలాగా వెళ్లిన ముఠా.. అత్యంత ఖరీదైన రొలెక్స్ లగ్జరీ వాచ్‌ను సింపుల్‌గా దొంగలించింది. దాని ఖరీదు... 11,400 డాలర్లు. అంటే మన కరెన్సీలో రూ. 7 లక్షలు.

వాచ్ తీసుకుంటున్నట్లు నటించిన వాళ్లు... వాచ్‌ను టెస్ట్ చేయడం కోసమని.. దాన్ని ఓ దుండగుడు చేతికి పెట్టుకున్నాడు. అయితే.. ఇంతలోనే మాల్‌లోపల ఏదో గన్ పేలుడు సౌండ్ వినిపిస్తుంది. దీంతో మాల్‌లోని వ్యక్తులంతా భయంతో బయటికి పరుగులు తీస్తారు. వాళ్లతో పాటు ఈ దుండగులు కూడా వాచ్‌తో జంప్ అవుతారు. తీరా చూస్తే.. ఆ మాల్‌లో గన్ పేలుడు లేదు. ఏదీ లేదు. అదంతా వాచ్‌ను దొంగలించడం కోసం ఆ దుండగుల బ్యాచ్ వేసిన ప్లాన్. తర్వాత అసలు విషయం తెలుసుకున్న మాల్ ఓనర్స్... వెంటనే పోలీసులకు సమాచారం అందించగా... రంగంలోకి దిగిన పోలీసులు సీసీటీవీ ఫుటేజ్ ఆధారంగా దొంగల ముఠా కోసం గాలిస్తున్నారు. ముఠాను పట్టుకోవడం కోసం ఆ వీడియోను సోషల్ మీడియాలో పోలీసులు షేర్ చేయడంతో ఆ వీడియో ఇప్పుడు సోషల్ మీడియాలో వైరలయింది.

4117
Follow us on : Facebook | Twitter

More News

VIRAL NEWS