సెప్టిక్ ట్యాంక్ పేలితే భూకంపం వచ్చిందనుకున్నారు.. వీడియో

Fri,April 20, 2018 03:15 PM

Septic Tank explosion Caused by fire crackers in china video goes viral

అది ఈస్ట్ చైనాలోని లిని సిటి. తేదీ ఏప్రిల్ 17, 2018. కొంతమంది పిల్లలు రోడ్డు పక్కన టపాకులు పేలుస్తూ సంబరాలు చేసుకుంటున్నారు. అయితే.. చిన్నారులు ఆడుకుంటున్న ప్రాంతానికి దగ్గర్లోనే ఓ చిన్న గుంతలాగా ఉంది. అప్పటి వరకు అంతా బాగానే ఉంది. కాని.. పిల్లలు క్రాకర్స్ పేలుస్తుండగా ఒక్కసారిగా ఆ గుంతలోపలి నుంచి పెద్ద శబ్దంతో కూడా పేలుడు సంభవించింది. అంతే కాదు.. పేలుడు ధాటికి ఇద్దరు పిల్లలు ఎగిరి పక్కన పడిపోయారు. భారీ శబ్దాన్ని గమనించిన స్థానికులు భూకంపం వచ్చిందేమో అని కంగారు పడ్డారు. కాని.. అక్కడ వచ్చింది భూకంపం కాదు.. ఆ గుంత కింద ఉన్న సెప్టిక్ ట్యాంక్ పేలింది. దాని వల్లనే అంత పెద్ద శబ్దంతో కూడిన పేలుడు సంభవించింది. అయితే.. పిల్లలు అక్కడ క్రాకర్స్ కాలుస్తుండటంతో వాటి ధాటికే సెప్టిక్ ట్యాంక్ పేలి ఉండొచ్చని స్థానికులు అనుమానించారు. ఇక.. ఈ ఘటన పక్కనే ఉన్న సీసీటీవీ కెమెరాలో రికార్డయింది. దీంతో ఆ వీడియో ఇప్పుడు సోషల్ మీడియాలో వైరలయింది.

3604
Follow us on : Facebook | Twitter

More News

VIRAL NEWS