నాసా అద్భుత సృష్టి.. హామర్ స్పేస్‌క్రాఫ్ట్!

Tue,March 13, 2018 05:41 PM

NASA develops HAMMER spacecraft that swat away Asteroids

హూస్టన్‌ః భూమికి విశ్వంలో నుంచి వచ్చే ఆస్టరాయిడ్స్‌తో ముప్పు పొంచి ఉన్న విషయం తెలిసిందే. గతంలోనూ చాలాసార్లు ఇవి భూమికి దగ్గరగా వచ్చాయి. వీటితో ఎప్పటికైనా ప్రమాదమేనని భావించిన నాసా శాస్త్రవేత్తలు ఓ అద్భుతమైన స్పేస్‌క్రాఫ్ట్‌ను సృష్టించారు. దీనిపేరు హామర్. ఇది భూమికి ముప్పు అనుకున్న ఆస్టరాయిడ్స్‌ను దూరంగా విసిరి కొడుతుంది. హామర్ అంటే.. హైపర్‌వెలాసిటీ మిటిగేషన్ మిషన్ ఫర్ ఎమర్జెన్సీ రెస్పాన్స్. దీనిని నాసా, యూఎస్ నేషనల్ సెక్యూరిటీ అడ్మినిస్ట్రేషన్, యూఎస్ ఎనర్జీ డిపార్ట్‌మెంట్‌లోని ఓ వెపన్స్ ల్యాబ్ సంయుక్తంగా అభివృద్ధి చేశాయి. ఇది రెండు రకాలుగా ఆస్టరాయిడ్ల నుంచి భూమిని కాపాడుతుంది. అందులో మొదటిది ఈ స్పేస్‌క్రాఫ్ట్ ఆస్టరాయిడ్‌ను ఢీకొని దానిని దూరంగా విసిరేయడం. రెండోది తనలో ఉండే ఓ న్యూక్లియర్ వార్‌హెడ్‌ను పేల్చడం ద్వారా ఆ ఆస్టరాయిడ్‌ను ముక్కలుగా చేసేయడం. బెన్ను అనే భూమికి దగ్గరగా ఉన్న ఆస్టరాయిడ్‌ను దృష్టిలో ఉంచుకొని నాసా ఈ హామర్‌ను అభివృద్ధి చేసింది. ఈ బెన్ను ఆస్టరాయిడ్ ప్రతి ఆరేళ్లకోసారి భూమికి దగ్గరగా వస్తుంది. 2135లో ఇది భూమి, చంద్రుడికి మధ్య రానుంది. ఆ సమయంలో ఇది భూకక్షలో ప్రవేశించి పెను విధ్వంసం సృష్టించే ప్రమాదం కూడా ఉంది. అంతేకాదు నాసా మరో ప్రతిష్టాత్మక ప్రాజెక్ట్‌పైనా పనిచేస్తున్నది. అది ఆస్టరాయిడ్లనే హైజాక్ చేసి వాటిని నియంత్రించగలిగే స్పేస్‌షిప్స్‌గా మార్చే ప్రాజెక్ట్ అది.

1648
Follow us on : Facebook | Twitter

More News

VIRAL NEWS

Featured Articles