e-Paper

Advertisement

E-Paper

Apps

Book Your Copy

Visit Telangana Today

Wednesday, June 23, 2021
Home హైదరాబాద్‌ అంతేసి బిల్లులా?

అంతేసి బిల్లులా?

అంతేసి బిల్లులా?
  • అధిక ఫీజులు వసూలు చేస్తున్న దవాఖానలకు షోకాజ్‌ నోటీసులు
  • రోగుల నుంచి వస్తున్న ఫిర్యాదులను తీవ్రంగా పరిగణిస్తున్న వైద్య, ఆరోగ్యశాఖ
  • నగరంలో 54 ఆస్పత్రులకు నోటీసులు
  • విరించి సహా 5 దవాఖానల్లో కరోనా చికిత్సకు అనుమతి రద్దు

సిటీబ్యూరో, మే 28(నమస్తే తెలంగాణ): ఇష్టానుసారంగా రోగుల వద్ద నుంచి అధిక బిల్లులు వసూలు చేస్తున్న ప్రైవేటు దవాఖానలపై సర్కార్‌ కొరడా ఝళిపించింది. పలు ఆస్పత్రులపై పెద్ద ఎత్తున ఫిర్యాదులు అందడంతో సదరు దవాఖానలపై కఠిన చర్యలకు సిద్ధమైంది. ఈ మేరకు వైద్య, ఆరోగ్యశాఖ ఉన్నతాధికారులకు ఆదేశాలు జారీచేయడంతో రంగంలోకి దిగిన ప్రజా ఆరోగ్య సంచాలకులు ఆరోపణలు ఎదుర్కొంటున్న దవాఖానలను గుర్తించి షోకాజ్‌ నోటీసులు జారీచేశారు. అవసరానికి మించి అధిక బిల్లులు వేస్తున్నారంటూ రోగుల కుటుంబ సభ్యుల నుంచి ఫిర్యాదులు అందినట్లు వైద్య, ఆరోగ్యశాఖ అధికారులు తెలిపారు. అంతే కాకుండా కొన్ని దవాఖానల నిర్వాహకులు ఐసీఎంఆర్‌ మార్గదర్శకాలకు విరుద్ధంగా చికిత్స అందించడం, చికిత్స అందించడంలో నిర్లక్ష్యంగా వ్యవహరించడం తదితర ఫిర్యాదులు అందినట్లు వెల్లడించారు. ఈ క్రమంలోనే..అధిక బిల్లులు ఎందుకు వసూలు చేశారో కారణాలు చెప్పాలంటూ 54 దవాఖానలకు అధికారులు శుక్రవారం షోకాజ్‌ నోటీసులు జారీచేశారు.

విరించి సహా ఐదు దవాఖానల్లో కరోనా చికిత్స అనుమతి రద్దు

అధిక ఫీజులు వసూలు చేయడంతో పాటు ఐసీఎంఆర్‌ మార్గదర్శకాలకు విరుద్ధంగా చికిత్స చేయడం, వైద్యం అందించడంలో నిర్లక్ష్య వహించినట్లు ఆరోపణలు ఎదుర్కొంటున్న గ్రేటర్‌ పరిధిలోని 5 కార్పొరేట్‌ దవాఖానలకు కరోనా చికిత్సకి సంబంధించి లైసెన్స్‌ను రద్దు చేస్తూ ప్రజారోగ్య సంచాలకులు ఆదేశాలు జారీచేశారు. ఐసీఎంఆర్‌ మార్గదర్శకాలకు విరుద్ధంగా వైద్యం అందించడంతో పాటు చికిత్స చేయడంలో నిర్లక్ష్యంగా వ్యవహరించినట్లు చికిత్స పొందుతూ మృతిచెందిన నల్గొండ జిల్లాకు చెందిన వంశీకృష్ణ కుటుంబ సభ్యుల ఫిర్యాదు మేరకు విరించి దవాఖానలో కరోనా చికిత్సకు సంబంధించిన అనుమతిని రద్దుచేస్తూ ఆదేశాలు జారీచేశారు. విరించితో పాటు విన్‌, టీఎక్స్‌, నీలిమ, మాక్స్‌ హెల్త్‌ దవాఖానల్లో కరోనా చికిత్సకు అనుమతి రద్దుచేశారు. అయితే ఆదేశాలకు పూర్వం దవాఖానల్లో చేరిన చికిత్స పొందుతున్నవారికి మాత్రమే కొవిడ్‌ ప్రొటోకాల్‌ ప్రకారం చికిత్స అందించాలని కొత్త రోగులను చేర్చుకోరాదని అధికారులు ఉత్తర్వుల్లో పేర్కొన్నారు.

ఆరోపణలు ఎదుర్కొంటున్న దవాఖానలు.. షోకాజ్‌ నోటీసులు

  • ఓమ్ని, కూకట్‌పల్లి (6)
  • విన్‌, బేగంపేట (5)
  • టీఎక్స్‌, కాచిగూడ (3)
  • ఉదయ్‌ ఓమ్ని, అబిడ్స్‌(3)
  • గ్లోబల్‌ , ఎల్బీనగర్‌ (2)
  • లైఫ్‌లైన్‌ మెడిక్యూర్‌, అల్వాల్‌ (2)
  • లోటస్‌, లక్డీకాపూల్‌ (2)
  • మాక్స్‌ హెల్త్‌, కూకట్‌పల్లి (2)
  • పద్మజ, కేపీహెచ్‌బీ (2)
  • సాయిసిద్దార్ధ (2)
  • సియా లైఫ్‌, కొండాపూర్‌ (2)
  • శ్రీశ్రీ హోలిస్టిక్‌, కెపిహెచ్‌బి (2)
  • శ్రీకర, సికింద్రాబాద్‌ (2)
  • విఆర్‌ మల్టీస్పెషాల్టీ, న్యూ బోయిన్‌పల్లి (2)
  • ఆదిత్య , ఉప్పల్‌ (1)
  • అంకుర , ఎల్బీనగర్‌ (1)
  • అపోలో, హైదర్‌గూడ (1)
  • అరుణ, హస్తినపూర్‌ (1)
  • ఆశా, కాప్రా (1)
  • ఆశ్విన్‌, పంజాగుట్ట (1)
  • అస్టర్‌ ప్రైమ్‌, అమీర్‌పేట (1)
  • కేర్‌, బంజారాహిల్స్‌ (1)
  • సెంచురీ, బంజారాహిల్స్‌(1)
  • కాంటినెంటల్‌, గచ్చిబౌలి (1)
  • హ్యాపీ, మదీనగూడ (1)
  • హర్ష్‌, చందానగర్‌ (1)
  • హైదరాబాద్‌ నర్సింగ్‌హోమ్‌ (1)
  • ఇమేజ్‌, అమీర్‌పేట్‌ (1)
  • ఇంటిగ్రో, మెహిదీపట్నం(1)
  • కిమ్స్‌, కొండాపూర్‌ (1)
  • కిమ్స్‌, సికింద్రాబాద్‌ (1)
  • మ్యాక్స్‌క్యూర్‌, బిఎన్‌రెడ్డినగర్‌ (1)
  • ఎన్‌కేర్‌, ఆర్‌సిపురం,
  • పటాన్‌చెరు (1)
  • నవజీవన్‌, కార్ఖాన (1)
  • నీలిమ, సనత్‌నగర్‌ (1)
  • నిఖిల్‌, శ్రీనగర్‌ కాలనీ (1)
  • ఓమ్ని , కొత్తపేట (1)
  • ప్రసాద్‌, మియాపూర్‌ (1)
  • ప్రతిమ,కూకట్‌పల్లి (1)
  • రాఘవేంద్ర, బోయిన్‌పల్లి (1)
  • రక్ష, ఎల్బీనగర్‌ (1)
  • రినోవా నీలిమ, సనత్‌నగర్‌ (1)
  • శాలినీ, బర్కత్‌పురా(1)
  • షణ్ముఖ వైష్ణవి, దిల్‌సుఖ్‌నగర్‌ (1)
  • శారద, ఘట్‌కేసర్‌ (1)
  • శ్రీశ్రీ హోలిస్టిక్‌, నిజాంపేట (1)
  • స్టార్‌ హెల్త్‌కేర్‌, మణికొండ(1)
  • సన్‌రిడ్జ్‌, మోతినగర్‌ (1)
  • సన్‌షైన్‌, గచ్చిబౌలి(1)
  • సన్‌షైన్‌, సికింద్రాబాద్‌(1)
  • సుప్రజ , నాగోల్‌ (1)
  • తుంబి, మలక్‌పేట(1)
  • ట్రైడెంట్‌, శంషాబాద్‌ (1)
  • టీఎక్స్‌, ఉప్పల్‌ (1)
Advertisement
-Advertisement-

తాజావార్తలు

Advertisement
అంతేసి బిల్లులా?

ట్రెండింగ్‌

Advertisement